Piştî belavbûna Koronavîrûsê li gelek welatên cîhanê, Rêxistina Tenduristiyê ya Cîhanê (WHO) ragihand ku vîrûs veguhertiye pandemiyeke cîhanî piştî ku bi hezaran kes pê nexweş bûn û ji ber mirin.
Li Bakur û Rojhilatê Sûriyê Rêveberiya Xweser a Bakur û Rojhilatê Sûriyê di çarçoveya tedbîrên hişyariyê li dijî vîrûsê de 23`yê Adarê qedexekya derketina derve ragihand. Desteya Tenduristiyê ya herêmê heta vê kêliyê ti nexweşî bi vîrûsê belge nekirine.
Bi qedexeya derktina derve re Hêzên Ewlekariya Hundir li tevayiya bajarên herêmê belav bûn. Komîteyên girêdayî Şaredariya Gel û Tenduristiyê kolanên bajaran paqij kirin û dezenfekte kirin û çavdêriya sûkan kirin. Gelek werşeyên dirûnê însiyatîfên dirûtina maske û lepikan li gel kêmbûna wê dan destpêkirin.
Li bajarê Minbicê bi însiyatîfa Komîteya Jin û koordîneya Komîteya Tenduristiyê werşeya Şehîd Sakîne Eseliye ya dirûnê, dest bi dirûtina maskeyan kir da ku pişt re li endamên Hêzên Ewlekariya Hundir belav bike.
Li Bakur û Rojhilatê Sûriyê pêşkêşkirina însiyatîfên mirovî didomin
