Meha Adarê êrîşên dagîrkeriyê yên ser Eyn Îsa û Girê Spî yên Bakur û Rojhilatê Sûriyê bênavber dewam kirin. Li gorî daneyên ne fermî, hêzên dagîrker 18 caran êrîş kirin û hêzên xweparastina rewa jî bersiv dan û di pevçûnan de 9 çete hatin kuştin, balafireke bêpîlot a dewleta Tirk hat xistin, erbeyeke çeka doçka li ser hat îmhakirin. Di êrîşan de sivîlek û şervanekî QSD’ê jî şehîd bûn.
Dewleta Tirk a dagîrker qada dagîrkeriyê li Bakur û Rojhilatê Sûriyê bi erêkirina DYA û Rûsyayê berfirehtir kir û her çenda Neteweyên Yekbûyî (NY) ji ber Koronavîrusê (Covid-19) banga agirbestê kiribe jî, êrîşên xwe bênavber didomîne.
Di meha Adarê de êrîşên dagîrkeriyê yên dewleta Tirk û çeteyên wê yên ser Eyn Îsa û Girê Spî û Tıl Temır, Zirgan bênavber dewam kirin. Şervanên Hêzên Sûriya Demokratîk (QSD) û Meclisa Leşkerî ya Suryanî li ser esasê parastina rewa besiv dan êrşşan û êrîş hatin şkandin.
Di êrîşên dagîrkerî û komkujiyê de ciyên sivîlan yekser bûn hedef û navendên leşkerî yên hêzên hikumeta Sûriyê û Rûsyayê jî ji êrîşan para xwe girtin.
Her çenda hêzên Rûsya û yên artêşa hikumeta Sûriyê jî bûn hedef lê heta niha wan hêzan li dijî artêşa Tirk û çeteyên wê ti bersiv nedane.
QSDê diyar kir ku di meha Adarê de hêzên dagîrker 18 caran êrîş kirine û hêzên xweparastina rewa jî bersiv dane û di pevçûnan de 9 çete hatine kuştin, balafireke bêpîlot a dewleta Tirk hatiye xistin, erbeyeke çeka doçka li serê hatiye îmhakirin. Di êrîşan de sivîlek û şervanekî QSD’ê jî şehîd bûne.
Li Eyn Îsa û Girê Spî bîlançoya êrîşên mehekê
