Emerîka bi fermî ragihand ku li Iraqê sîstema patrîotan bi cih dike

Berdevkê Navenda Hêzên Emerîka Bell Orban bi fermî ragihand ku Emerîka li Iraqê sîstema patrîotan bicih dike.
Berdevkê Navenda Hêzên Emerîka Bell Orban, di daxuyaniyekê de ragihand ku Emerîka ji bo parastina hêzên xwe, artêşa Iraqê û hêzên hevpeyman li Iraqê sîstema parastina asîmanî ya Patrîotan bi cih dike.
Herwiha Orban diyar kir ku berî niha li Iraqê çend caran navendên leşkerî yên Emerîka û hêzên hevpeyman rastî êrîşan hatine, ji ber êrîşê kuştî û birîndarên wan çêbûne.
Di daxuyaniyê de hat gotin hêzên Emerîka dest bi bicihkirina sîstema patrîotan kiriye û xebata wê ya di wî warî de dewam dike.
Herwiha hat gotin Hikûmeta Iraqê li ser mijarê têgihîştiye ku pêwîstiya Iraqê bi artêşa Emerîka, sîstema parastinê heye ku armanc ji vê sîstemê parastina hêzên hevpeyman, artêşa Iraq û hêzên Emerîka ye.