Hediya Hisên,Ronahî Qamişlo
Vîrûsa Korona ku Kanûna 2019an li Çînê derket û li seranserê cîhanê belav bû, ji ber vê nexweşiyê, heta niha bi hezaran mirov mirine û bi sedhezaran pê ketine. Û hê çareyek jî jê re nehatiye dîtin.
Serokê yekîtiya doktoran û enadmê komîteya şêwra zanistî ya vîrûsa Korona doktor Ehmad yûsif, li ser mijarê ji rojnameya me re wiha axivî: “Vîrûsa Korona yek ji vîrûsên bixeter e û li seranserê cîhanê belav bûye. Destpêkê li qirika mirovan dixe û heta demekê di qirikê dimîne. Pişt re xwe diavêje singê û lê belav dibe. Ji ber vê vîrûsê destpêkê nexweş dikoxe, germa bedenê zêde dibe, ku digihe heta 50yan. Herwisa bêhna mirovan teng dibe. Di rewşeke wisa de divê nexweş biçe nexweşxaneyê û nêzî ti kesî nebe.”
Doktor Ehmed yûsif axaftina xwe wiha domend: “Divê em destê xwe nedin hev, xwe nêzîkî qelebalixê nebin û destê xwe bi sabûnê bişûn. Herwisa paqijiya bedenê pir girîng e. Ava germ vexwin bi taybetî ava leymûnê. Lewre ava leymûnê laş xort dika û vîrûsê dikûje. Xwarina şînkayê jî pir baş e.
Doktor Ehmed Yûsif li ser tedbîran jî wiha got: “Rêveberiya Xweser li herêma cizîrê 2 nexwşxane amade kirine, yek nexweşxaneya Xweşmir Xebat li bajarê Qamişlo, ya din nexwşxaneya gel ya li bajarê Amûdê. Lê dermanên me kêm rin.
Doktor Ehmed Yûsif axaftina xwe wiha bi dawî kir: “Bi alîkariya Heyva Sor a Kurdî me tîmên bijişkî li bajarên cuda belav kirine, doktor û ambûlans jî amade ne. Ez bi hêvî me gelê me parastina xwe bike û biryara Rêveberiya Xwser ya qedexekirina derketinê pêk bîne.”
