Wezîrê Karên Hundir ê Fransayê Chrîstophe Castaner got, li qadên ku cendirme lê berpirsyar in, di nava hefteyekê de şideta li ser jinê bi rêjeya ji sedî 32 zêde bûye.
Li Fransayê, ku ji bo pêşî li belavbûna Covîd-19 bê girtin mirov neçar in li malê bimînin, tê gotin şideta li ser jinê zêde bûye.
Wezîrê Karê Hundir Chrîstophe Canstaner ji qenala televîzyonê ya France 2 re axivî û diyar kir ku şideta li nava malbatê di nava hefteyekê de li herêmên ku cendirme lê berpirsyar in bi rêjeya ji sedî 32 zêde bûye. Castaner got, li qada ku Midûriyeta Emniyetê ya Parîsê lê berpirsyar e bi rêjeya ji sedî 36 zêde bûye.
Wezîr ragihand, ferman dane hêzên ewlekariyê ku tavilê bikevin nava tevgerê û diyar kir ku têkoşîna li dijî şideta li ser jinê yek ji karên wan ên sereke ye.
