Berdevkê artêşa Lîbyayê Ehmed El-Mismarî ragihand ku hêzên artêşê herêmên Esa, Cemîl, Qedalîn û Zelten deste hikumeta El-Wîfaq û çeteyên sûrî rizgar kirin.
El-Mîsmarî bi daxuyaniyekê got piştî ku “milîsên terorîst û sûcdar” ji herêman hatin derxistin îro azadî, ewleyî û aramî li wan herêman heye. Ev pêşketina leşkerî piştî binketina êrîşa milîsên El-Wîfaq û çeteyên biyanî li dijî baregeha Eqbe Bin Nafî ya asîmanî ya li herêma Wetiyê ya rojavayê welêt pêk hat.
El-Mismarî di daxuyaniyê de wiha axivî: “Berdewama qaşo hikumeta El-Wîfaq û milîsên wê yên terorîst ya binpêkirina agirbestê, redkirina wan a rawestandina şer û balkişandina ser kedên têkbirina Koronavîrusê li Lîbyayê ku bûye sedema kuştina bi hezaran jmirovan li seranserê welatên dinr, hêzên çekdar ên Lîbyayê neçar dimînin ku li dijî milîsên terorîst ên bi piştgiriya artêşa Tirk û çeteyên wê yên terorîst ên Sûrî tedbîrên guncaw ên parastina gelê Lîbyayê û destkeftiyên wê pêk bîne.”
