Li Çînê pêla duduyan ‘bivênevê’ ye!

Li Çînê ku pandemiya vîrûsa koronayê ya nû pêşî lê hatibû girtin û bûyer hatibûn sifirê, pispor dibêjin pêleke nû wê ne pir dûr be.
Li Çînê ku Covîd-19 li seranserê cîhanê heta niha ji nîv milyonî zêdetir li mirovî geriyaye, bûyerên nû hatine sifirê lê kesên ji derveyî welat vedigerin bi wan re vîrûs heye.
Piştî du mehên bi karantiya giran li Çînê jiyan normal bû û nexasim di serî de turîst, zêdebûna geşt û seyranê fikaran çêdike. Pispor pê bawer in ku pêla duduyan wê were.
Pisporê bi navê Benjamîn Cowlîng yê ji Zanîngeha Hong Kongê, ku ji rojnamea Globe and Maîl, a Kanadayê re axivî, got, jimara bûyeran a di pêla pêşî de, li gorî 1,4 nifûsa Çînê pir kêm e. Pispor diyar kir ku di pêla duduyan de wê jimara bûyeran ne 81 hezar be û pêla duduyan ‘bivenevê’ ye.
Li Çînê heta niha nêzî 82 hezarî bûyer hatine diyarkirin, 3 hezar û 291 kes jîmirine.