Berdevkê Fermî yê Artêşa Niştimanî ya Lîbyayê Ehmed El-Mismarî diyar kir ku 103 çeteyên ji Sûriyê li eniyên Terablûsê hatine kuştin.
El-Mismarî di daxuyaniyeke nivîskî de ev agahî dan: “Fayiz El-Serac li şûna hakimê Tirkiyê yê Terablusê berpirsyariya xwe ji êrîşa binketî ya li dijî balafirgaha Uqbe Bin Nafi ya li herêma Watba ragihand û diar kir ku navê Bagera Aştiyê lê kiriye. Mîna êrîşa Tirkiyê ya bi navê Şaxê zeytûnê ya li bakurê Sûriyê. Fayiz El-Serec berî demekê ji ber vîrûsa Koronayê banga rawestandina şer kiribû. Ev sozên wan derew in û raya giştî dixapînin.”
El-Mismarî axaftina xwe wiha domand: “Em vê delîlê datînin pêşiya şandeya NY ku hikumeta El-Serac a ne rewa sozên li gorî peymanên navneteweyî, qanûna navneteweyî ya mirovî û qanûna navneteweyî ya mafên mirovan dayîn, binpê dike. Em vê delîlê destpêkê datînin pêşiya gelê Lîbya û pişt re civaka navneteweyî. Em teqez dikin ku emê gel, hêz û bargehên xwe yên leşkerî ji binpêkirinên milîsên El-Serac, çeteyên terorîst ên biyanî û Tirkan biparêzin.”
Di daxuyaniyê de El-Mismarî encama şerê dawî de yê li eniyên Terablusê eşkere kir û got jimara kuşiyên çeteyan bûye 103.
El-Mismarî: 103 çeteyên ji Sûriyê hatin kuştin
