Têkildarî krîza Lîbyayê bi pêşengiya Neteweyên Yekbûyî li Cinêvê hevdîtin hatibûn kirin. Di van hevdîtinan de aliyan li ser agirbestê li hev nekir.
Mîsyona Lîbyayê ya Neteweyên Yekbûyî (MANÛL) bi daxuyaniyeke nivîskî diyar kir ku rûniştina pêşî ya hevdîtinan ku 3’yê Sibatê hatibû destpêkirin, qediyaye.
Nûnerê Neteweyên Yekbûyî yê Lîbyayê Ghassan Salame berê jî daxuyaniyek dabû û diyar kir ku li ser hin xalan hê lihevkirin pêk çênebûye.
Hikumeta Yekîtiya Neteweyî ya Trablûsê ya Enqere piştgiriyê didiyê, 5 nûnerên leşkerî yên payebilind şandibûn civînê. Hêzên Xelîfe Hefter jî evqas nûnerên leşkerî şandibûn.
Di van civînan de li ser agirbestê peyman derneket. NY daxuyanî da û diyar kir ku wê 18’ê Sibatê rûniştineke din were destpêkirin.
Meha borî li Berlînê li ser Lîbyayê konferansek hatibû lidarxistin û hatibû gotin, divê hêzên ji derve di warê leşkerî de tevlî karê Libya nebin û li gorî ambargoya çekan tevbigerin. Lê Tirkiyê ev ambargo bin pê kir, çek, cebilxane û hêzên paramîlîter şand Lîbyayê.
