Jinan çalakiyên xwe yên boykotkirina tûrîzma Tirkî li ber Fuara Tûrîzmê ya Hamburgê domandin. Jinan bi çalakiya xwe li ber avayiya fuarê, bi gelek çalakiyên dîtbarî û performansan nîşan da ka çima divê çûna Tirkiyê bê boykotkirin.
Çalakiyê îna borî wek rêzeçalakî dest pê kir û hê dewam dikin. Çalakî bi hevkariya Komîteya Hamburgê ya Kampanya Women Defend Rojava, tevî înîsîatîvên Tatort Kurdistan û #RiseUpForRojava tên meşandin.
Çalakkerên jin bi hebûn û performansa xwe di heman demê de faşîzma dewleta Tirk û dijminatiya wê ya li dijî jinan jî protesto kirin.
Di axaftina li cihê çalakiyan de hat wiha hat gotin, “Dewleta Tirk di binê serokatiya Erdogan de ji xwe re kiriye armanc ku Konfederalîzma Demokratîk a li Bakur-Rojhilatê Sûrî tine bike û ev konfederalîzm êdî ji bo demokrasiya rastî, ekolojiya civakî û azadiya cinsan bûye sembol. Bi vî rengî em şerê faşîzma Erdogan dikin û berî her tiştî ji bo Rojava em têdikoşin.”
Bi performansekê zilma dewletê li jinan hat nîşandan û banga boykotkirina tûrîzma Tirkiyê hat kirin..
