Stêrk Mihemed/Qamişlo
Rojnemevan Avan karim diyar kir ku Rêjîma Îranê Rojnemevanên ku dibin dengê gel û rastiya ji raya gîştî re radighînin tên binçavkirin û wiha got: “Siyaseta înkarkirina rastiyê yek ji aliyên kirêt ên rejîma zordar e.”
Di 28’ê kanûna 2025’an de li seranserî Îran û Rojhilatê Kurdistanê li dijî qeyrana aborî, pirsgirêkên siyasî û civakî xwepêşandan hatin destpêkirin. Bi sed hezaran ji gelê Rojhilat Kurdistanê û Îranê tevlî vê xwepêşandanê bûn, lê di encana vê xwepêşandanê de bi hezaran xwepêşandar ji aliyê rêjîma Îranê ve hetin qetilkirin û binçavkirin. Herwiha Rojnemevanên ku dibin dengê êşa gel û rastiyê parvedikin ji aliyê rêjîma Îranê va tên hedefgirtin û binçavkirin.
Di vê çarçoveyê de Rojnemevan Avan karim ji Rojnameya me re axivî.
‘‘sîstema birçîkirina gelê Îranê’’
Avan karim da zanîn ku li seranserî Îran û Rojhilatê Kurdistanê li dijî qeyrana aborî, pirsgirêkên siyasî û civakî xwepêşandan destpêkirin û wiha got: “Xwepêşandan ji aliyê gel ve li dijî rejîma zordar a Îranê û sîstema birçîkirina gelê Îranê bûn. Ji aliyekî din ve, sîstema kapîtalîst a navneteweyî bi serokatiya DYA û hevalbendên wê yên ku bêdeng man. Welatên ku cîranên Îranê ne bi awayekî tevlî şerên derve û nakokiyên navxweyî bûn û bi pirsgirêkên xwe ve mijûl bûn. Bi gelemperî welatên Ereb tevlî hevpeymaniya DYA-Îsraîlê bûbûn û bêyî şêwirîna hevpeymaniyê nikaribûn mudaxeleyî rewşa Îranê bikin herwiha di vê encamê de bi hezaran ji gelê Îranê di qetilkirinê re derbas bûn.”
‘‘Hedefgirtina rojnemevan û çalakvanan’’
Avan karim destnîşan kir ku rojnemevanên ku rastiyê radighînin tên hedefgirtin û wiha pê de çû: “Bi gelemperî li Rojhilata Navîn, rojnamevanên azad û rast hertim rastî êrîşan tên, ji ber ku rojnamevanên azad rastiyê ji cîhanê re eşkere dikin û rastiyê radigihînin ji ber wê rastî êrîşan tên. Bi awayê herî xirab tên girtin, îşkencekirin û heta birine rêya mirinê. Nimûneya Vorisha Moradi û gelek çalakvanên din di zindanên Îranê de nîşan dide ku Îran ji bo rojnamevan û çalakvanên têkoşîna azadiyê welatekî xeternak e. Dewleta Îranê her tim rojnamevan û çalakvanan hedef girtiye di heman demê de xwe ji girtina rojnamevanên azad bêguneh kiriye, ev siyaseteke kirêt a dewletê ye. Siyaseta înkarkirina rastiyê yek ji aliyên kirêt ên rejîma zordar e. Çalakvanên mafên mirovan û çalakvanên civaka sivîl ji vê xetereyê bêpar nînin, ji ber ku rejîma Îranê, mafên mirovan bi xwe diyar dikin û nikarin ji wê wêdetir behsa azadiyê bikin.”
‘‘Bêyî jinan azadî nayê bidestxistin’’
Rojnemevan Avan karim axaftina xwe wiha bi dawî kir: “Di rastiyê de sîstema dewleta Îranê li dijî azadiya jinan e û qet nahêle jin li Îranê çawa dixwazin bijîn. Ji ber vê yekê, girtin û windakirina rojnamevanên jin li Îranê beşek ji vê siyasetê ye ku bi awayê herî xirab li Îranê hatine tespîtkirin. Kuştina Jîna Emînî jî mînaka herî mezine, ku mafê kuştin û jiyana jinê di destê rêjimê de ye, lê berteke her tiştî heye nimûneya herî mezin jî serhildana Jin Jiyan Azadî bû. Jin girêka sereke ya her civakê ne û bêyî jinan azadî nayê bidestxistin. Wekî ku Rêberê gelê Kurd Abdullah Ocalan dibêje: “Azadiya civakê nayê bidestxistin heya ku azadiya jinan neyê bidestxistin.”
