Ayşa Silêman/ Dêrik
Meclisa Malbatên Şehîdan li bajarê Dêrikê merasîmên oxirkirinê yên heft canfedayên Kurdistanê bi rêzdarî li darxistin.
Meclisa Malbatên Şehîdan merasîmên oxirkirinê ji du şervanên YPJ’ê Destan Herekol û Agirîn Zap û şervanekî Hêzên Ewlekariya Hundirîn Haşim Dêrik, du şervanên QSD’ê Birûsk Heftanîn û Heqî Azad, di heman demê de merasîmên xiyabî yên şervanê Hêzên Komandos Çiya Girkê legê û şervanê Hêzên Ewlekariya Hundirîn Îsam Mihemed li bajarê Dêrikê li goristana Şehîd Xebat Dêrikê li dar xistin.
Di merasîmê de hemû şêniyên bajar û gundewarên wê endamên Saziyên Rêveberiya Xweser amade bûn. Di destpêka merasîmê de hemû hazir xulek bêdeng li ser giyanê şehîd rawestiyan.
Paşê li ser navê Meclisa malbatên Şehîdan Hisên Remedan axivî û wiha got: “Em ê xwedî li ged û rûmeta van şehîdan derkevin ji ber ku bi saya wan em gihiştine vê astê, van şehîdan sînor rakirin û herçar parçeyên Kurdistanê kirin yek. Ev ne tiştekî hêsane êdî gel nema bi tu tiştê dihizirê ji ber ku serkeftin nêzîk bûye, berxwedan û têkoşîna ku gel dikir encamên wê va ye li ber çava ye. Ji bo vê yekê em wek meclisa malbatên Şehîdane m ê doza şehîdan biparêzin heya dawiyê, îro di Rojavayê Kurdistanê de em diqonaxên dîrokî re derbas dibin di hizûra fermandar Haşim de ku 35 sal ji temenê xwe di ber axa vî welatî re derbas kir, em bejna xwe ditewînin û li ser şopa wî ne erkê ku wî dest pê kirî em ê berdewam bikin.”
Di berdewamiya merasîman de li ser navê Fermandariya YPJ’ê Zinarîn Qamişlo axivî û wiha got: “Em li ser navê tevahî hêzên parastina şerf û kerametê em bejna xwe ditewînin, îro nalîna dayîkên me tê, kerib û azarên bavê me tê, ez li ser navê hemû hêzên parastinê dest û serê van dayîk û bavan maç dikim. Raste we kezeba xwe daye û hun îro rondikan dibarînin, lê baş bizanin ez jî xemgînim ji ber ku 7 hevalêm min ên ku li kêleka min bûn şev û roj bar kirin û şûna xwe vala hêliştin. Ez ê soza berdewam kirinê bidim ku heya dilopek xwîn di canê min de hebê ez ê xwedî li xwîna van cangoriya derkevim û axa xwe biparêzim.”
Di dawiya merasîmê de wesîqeya şehîdan hatin xwendin û malbatên wan hestên xwe anîn ziman û cenazeyên şehîdan spartin axê.
