Li Qamişlo 11 Şehîdên azadiyê hatin oxirkirin

Hêvî Keleş/ Qamişlo

Bi amadebûna bi hezaran welatiyên Qamişlo, li goristana Şehîd Delîl Saroxan a bajarê Qamişlo merasîmeke girseyî ji bo oxirkirina 11 şehîdên azadiyê ku di cih û demên cûda de şehîd bibûn, hat lidarxistin.

Îro li goristana Şehîd Delîl Saroxan a bajarê Qamişlo 11 şervanên jin û mêr ku di dem û cihên cûda de şehîd bibûn, bi merasîmekî girseyî hatin oxirkirin. Merasîm bi beşdariya hezaran ji sivîl, endamên sazî û meclisên Rêveberiya Xweser û hêzên leşkerîhat lidarxistin.

Merasîm bi deqeyeke rêzgirtin li ser giyanê şehîdan hat destpêkirin. Piştre li ser navê Meclisa Malbatên Şehîdan Şêro Şero axivî û wiha got: “Di kesayetiya van şehîdan de, em hemû şehîdên azadiyê bi bîr tînin û li ber qurbaniyên wan bi rêzdarî bejna xwe ditewînin. Şehîd ronahiya jiyana me û rêya berxwedanê ne. Em ê li ser şopa van şehîdan bimeşin û em ê her tim piştgiriyê bidin Hêzên Sûriyeya Demokratîk heta ku dagirker û terorîst ji axa me werin derxistin û serkeftin pêk were. Peyv kêm dibin, ji ber ku em li cem şehîdan in, em îro li vir in da ku ji qurbaniyên wan hêz û biryardariyê bistînin û rêya azadî û şoreşê bidomînin.”

Herwiha Endama Fermedariya Giştî ya Yekîneyên Parastina Jin YPJ’ê Rohilat Efrîn axivî û wiha got: “Şehîd ew kes

in ku agirê serhildanan pêxistin û li şûna ku em hîdadê ji bo wan bigirin, em vê cejna qehremanî ya ku ji hêla van qehremanan ve hatî damezrandin, dayik, bav û malbatên şehîdan pîroz dikin. Van şehîdan û yên beriya wan, beşên herî bilind ên têkoşînê nivîsandin, bi wêrekî bê şik û guman li hember dagirkerê Tirk û çeteyên wê derketin heta ku gihîştin asta şehadetê. Bi saya vê îradeyê û berxwedana qehremanî, Tirkiye û çeteyên wê dê nikaribin axa me kontrol bikin. Dozek ku bi xwîna şehîdan hatiye avdan nayê têkbirin û em in ku bi saya şehîdan jiyanê ji mirinê diafirînin. Şehîdên me, yên ku milkê xwe yê herî hêja dan û axa me bi xwîna xwe av dan da ku malbat û gelê wan bijîn û Kurdistanek azad bijî.”