Solîn Mihemed/ Qamişlo
Kongra Star tevlîbûna xwe ji bo seferberiya giştî ragihand û di heman demê de êrişên li ser gelê Kurd bi daxuyaniyekê şermezar kir.
Ji bo seferberiya giştî û êrişên li ser gelê Kurd Kongra Star bi daxuyaniyekê şermezar kir. Di daxuyaniyê de Hêzên Ewlekariya Hundirîn, tevahî rêxistin û saziyên jinan beşdar bûn. Hewiha daxuyanî ji aliyê endama kordinasyona Kongra Star Gulîstan Gulo bi zimanê Kurdî ve hat xwendin.
Di destpêka daxuyaniyê de wiha hat gotin: “Piştî Rêveberiya Xweser seferberî li seranserî Rojavayê Kurdistanê ragihand, em jî wek tevahî rêxistinên jinan tevlî vê seferberiyê dibin. Em dibêjin êrişên hovane yên ku li ser jinan hatin kirin, herwiha komkujî û qirkirina ku hat kirin li pêşiya çavên cîhanê ev şermek û bêbextiyeke mezin bû, li dîroka mirovatiyê hate gurkirin. Banga me bi tayîbet ji bo raya giştî, hêzên navnetewî ev bêbextiyên ku li Bakur û Rojhilatê Sûriyê tên kirin bi tayîbet di şexsên jinên Kurd û gelê Kurd ku wan ev komkujî li ser jinên Kurdan û tevahiya gelê Kurd dan meşandin ev şermezarekî pir mezine û em didin diyar kirin. Herwiha çeteyên DAŞÊ û HTŞ ê û dewleta Tirkiyê bêdengiya duniyayê, ragihandina Erebî beşdarî vî şerî bûn.”
Daxuyanî wiha hat bidawîkirin: “Em îro helwesta xwe diyar dikin em dibêjin radestkirin ne karê me ye, yan em ê jiyanek birûmet bijîn û em ê azad bibin, ji bo vê em helwesta xwe diyar dikin. Em bi tevahî jin bi pêşengtiya Kongra Star û bi tevahî rêxistinên jinan em dibêjin ku em xaka xwe bernadin û em ê parastina welatê xwe û xaka xwe bikin û herwiha em ê parastina Şoreşa Rojava ya ku bi pêşengtiya jinan hat kirin, bikin. Em jinên Kurd dîroka me diyar e ji bo vê em tucarî xwe radest nakin heya ku nuqtak xwîn di cane me de hebe û em dibêjin berxwedan jiyan e.”
