Dîlan Mulhim/Qamişlo
Meclisa Islama Demokratîk bi daxuyaniyekê zimanê kîndarî û gefê yê wezarata Ewqafa hikumeta demikî a Sûriyê şermezar kir û wiha got: “Her dilopek xwîn bê rijandin hûn berpirsyarê wê ne.
Di 18’ê vê mehê de wezareta Ewqafa Hikumeta demikî a Sûriyê banga êrişên li ser Rojavayê Kurdistanê kiribû û ev êriş wekî cîhadê bi nav kir. Li dijî zimanê kîn û gefê yê wezareta Ewqafa hikumeta demikî Meclisa Islama Demokratîk daxuyaniyek da .
Meclisa Islama Demokratîk di daxuyaniya xwe de wiha got: “Em oldarên kantona Cizîrê zimanê gefê û kînadariyê yê wezareta ewqafa hikumeta demikî li dijî gelên kantona Cizîrê bi tundî şermezar dikin. Em ji wan re dibêjin em misilman in û tişta hûn dikin li dijî Qurana pîroz û rêbaza pêxembere ku banga sekinandina rijandina xwînê dikin. Eger gotinek heqiyê li gel we hebe pêwîst e hûn banga rawestandina êrişên li ser gelê Cizîrê bikin. Ji ber ku her dilopek ji xwînê tê rijandin hûn berpirsyarê wê ne û wê hesab ji we bê xwestin.”
