Navenda Nûçeyan
Fermandariya Giştî a Hêzên Sûrya Demokratîk (QSD) bang li hemû keç û xortên Kurdistanê û Ewropayê kir ku sînoran derbas bikin û werin tevlî berxwedanê bibin
Fermandariya Giştî ya Hêzên Sûriyeya Demokratîk (QSD) li ser êrişan bangek ya tevlîbûna berxwedanê ya bi ruhê Kobanê kir.
Daxuyanî wiha ye:
“Ji bo gelê me yê Berxwedêr
Ji 06’ê Çileyê ve, herêmên me û li ser gelê me rasterast rastî êrişên hov û barbarane tên kirin. li hember van êrişan de, şervanên me bi cesaret û fedakariyeke mezin şer dikin û bi awayekî bi rûmet şerê xwe dewam dikin.
Îro, dewleta Tirk û çeteyên wê yên bi zihniyeta DAIŞ^ê, êrişên xwe li ser gelê me zêde dikin, bi xeyala ku dikarin îradeya me bişkînin û berxwedana me têk bibin.
Em bi biryar û îradeyeke mezin dibêjin ku çawa hevalên me di sala 2014’an de li Kobanê berxwedana dîrokî kirin û Kobanê kirin goristan ji DAIŞ’ê ya ku ji aliyê Tirkiyê ve hate piştgirîkirin re, îro jî bi heman îradeyê diyar dikin ku emê bajarên xwe ji Dêrikê heta Hesekê û Kobanê biguherînin goristanek ji bo xwediyên zihniyeta DAIŞ’ê yên nû, yên ku ji aliyê dewleta Tirk ve tên birêve birin.
Li ser vî esasî, em bang dikin li hemû ciwanên me, keç û xortên me ên Rojava, Bakur, Başûr û Rojhilatê Kurdistanê û her weha li Ewropayê, ku bi hev re bibin yek û sînorên dagirkeran rakin û werin tevlî berxwedanê bibin.
Îro roja rûmetê ye
Îro roja berpirsyariya dîrokî ye
Îro em careke din nîşan didin ku îradeya gelan ji her cûre êrîş û dagirkeriyê bihêztire.”
