Navenda Nûçeyan
QSDˊê ragihand ku ji saetên sibehê ve komên çete yên hikûmeta demkî ya Sûriyeyê êrişî girtîgeha Şedadê ya başûrê Hesekê ku têde bi hezaran çeteyên DAIŞˊê hene dikin, şervanên QSDˊê gelek caran êrişên wan têk birin, lê niha girtîgeh ji bin kontrolê derketiye.
Navenda Ragihandina Hêzên Sûriya Demokratîk (QSD) bi daxuyaniyekê diyar kir ku girtîgeha Şedadê ji bin kontrola şervanên QSDˊê derketiye.
Di daxuyaniyê de ev agahî hatin parvekirin: “Ji saetên sibehê ve komên Şamê bi awayekî dijwarî êrişî girtîgeha Şedadê ya ku têde bi hezaran endamên rêxistina DAIŞˊê ya terorîst hene dikin.
Şervanên QSDˊê bersiva van êrişan didin û gelek caran ew êriş têk birin. Ji bo karesateke ewlehî çênebe bi dehan şehîd û birîndar çêbûn.
Tevî ku girtîgeha Şedadê 2 kîlometre ji baregeha Koalîsyona Navneteweyî ya li herêmê ve dûre, lê gel bangên dubare baregehê destwerdan nekir.
Em ji raya giştî re dibêjin ku girtîgeha Şedadê ji bin kontrola hêzên me derket.”
