Navenda Nûçeyan
Navenda Ragihandinê ya QSD’ê daxuyand ku ligel agirbesta hatiye ragihandin jî çeteyên hikumeta demkî êrişî Eyn Îsayê dikin. Her wiha hate ragihandin li derdora Girtîgeha El-Aktan jî di navbera şervanên QSD’ê û çeteyan de pevçûnên dijwar diqewimin.
Komên çete ên girêdayî hikumeta demkî ê û Tirkiyê ligel agirbesta hate ragihandin jî êrişên xwe berdewam dikin. Berdevkê Navenda Ragihandinê ya Hêzên Sûriya Demokratîk (QSD) Ferhad Şamî li ser hesabê xwe yê Xê bi daxuyaniyekê bal kişand ser êrişên komên çete. Ferhad Şamî diyar kir ku ligel agirbestê jî êriş û pevçûn zêde dibin û got: “Li Eyn Îsa, Şedadî û Reqayê êrişên komên çete li dijî hêzên me bi dijwarî didomin.”
Hewl didin girtiyên DAIŞê berdin
Ferhad Şamî ragihandin ku komên çeteyan bi armanca serbestberdana çeteyên DAIŞê êrişî Girtîgeha El-Aktan dikin û wiha got: “Li vê girtîgehê bi sedan çeteyên DAIŞê tên ragirtin. Ku ev kom bigihîjin girtîgehê û çeteyan serbest berdin dê rewşek ewlehiyê ya xeternak derkeve holê. Ji vê rewşê hêzên êrişkar û piştgirên wan berpirsyar in.”
Ferhad Şamî bal kişand ser metirsiya berdana DAIŞiyan û derbarê vê yekê de hişyarî da raya giştî û got: “Ku êriş bidomin û çeteyên DAIŞê bên berdan hemû êrişkar û hêzên li piştwan dê berpirsyar bin.”
