Esma Mistefa/Qamişlo
Piştî derketina ji herêma Şehabyê û zêdetirî salekê ye ku gelê Efrînê li Kampa Tebqayê bicih bûne. Careke din bi êrişên dawiyê re bi hezaran malbatên Efrînî yên li Tebqayê berê xwe didin Kantona Cizîrê.
Di encama hatina hikumeta Sûriyê ya demkî li ser serweriya Sûriyê û bi hedefgirtina herêma Şehba û Til Rifetê ku di 1’ê Kanûnê de berê xwe dabûn wê herêmê, gelê Efrîn û Şehbayê bi darê zorê ku dibe koçberiya duyemîn piştî Efrînê, berê xwe dan herêmên Bakur û Rojhilatê Sûriyê. Ev gel li hemû bajar û kantonên Rêveberiya Xweser bi cih bûn. Qismek mezin ji gelê Efrînê di Bajarê Tebqayê de di kampan de bi cih bûn zêdetirî salekî ye ev gel wê derê jiyan dike.
Bi hemdemiya êrişên ku di duh ve li ser xeta Dêr Hafir re hatine despêkirin rûxmî lihevkirinên ku ji aliyê QSD’ê û hêzên hikumeta demkî ya ku xwe ji xetên destpêkê vedikşînin, lê komên çekdaran ev yek pêk neanîn û êrişên xwe ji duh ve berdewam dikin. Gelê Efrînê yên li Tebqa û kampên li wê derê de bi hemdemiya van êriş û hedefgirtinan re careke din ji duh êvarî ve berê xwe didin herêmên Kantona Cizîrê.
Wê gel li Qamişlo, Dêrik û Amûdê bicih bibin
Ji duh ve bi hezaran malbat gişhîştin van bajaran hin ji wan li bajarê Hesekê man û ya herî mezin jî berê xwe didin bajarê Qamişlo. Li vê derê Meclisa Koçberên Efrînê wan malbatan bi rêxistin dike. li gorî ku ji Rojnameya me re hatiye agahdarkirin, ji ber baranan zêde û hatina gel ya li pey hev, wê malbatên hatine li sê bajaran bi awayekî demkî bi cih bibin, Qamişlo, Dêrik û Amudê.
Ev yek heyanî ku rewşa hawayê hinek baş dibe ku hayanî niha tu biryara wan malbatan di kampan de bi cih bikin nîne, wê di dema heyî de di dibistan û malbatan de bi cih bikin û yên Dêrikê wê di kampa gelê Efrînê yê li Dêrikê de bên bicihkirin. Li gorî vê yekê gel tê ferzkirin da ku bi awayekî rêxistinkirî li gorî ku nav hatine tomarkirin bicih bibin.
Tê payîn ku heyanî vê kêliyê jî gel li ser rê ye ku wî derbasî Kantona Cizîrê bibin.
