Esmihan Gedro/Reqa
Saziya malbatên Şehîdan a Reqayê ji bo şêxmeqsûd û Eşrefiyê li bajarê Reqayê meşeke girseyî lidar xistin. Meş ji nexaşxaneya zarokan dest pêkir hetanî qada jina azad.
Di meşê de bi sedan şêniyên bajarê reqayê beşdar bûn,bi sloganên bijî berxwedana Şêxmeqsûdê û Eşrefiyê hat berzirin û wêneyên ku çeteyên HTŞ`komkujî li ser zarok û jinan kirine hatibûn bilind kirin.
Piştî ku meş vegeriya mitîngê deqeyeke rêzgirtin hat sekinandin.piştre li ser nave malbatê şehîdan Menel Şêxo axivî:” Bi navê Meclîsa Malbatên Şehîdan a kantona Reqayê û bi rihê berxwedana Şêx Meqsûd û Eşrefiyê,bi navê her dayikekê ku kur û keçên xwe şandine qadên rûmetê… îro em wan kesên ku bi xwîna xwe rêya azadî û rûmetê vekirine bi bîr tînin.”
Şehîdên me yên li Şêx Meqsûd û Eşrefiyê destanên qehremaniyê li hember hemû hewldanên neheqî û zordariyê nivîsandin. Wan bê dudilî gelê xwe, axa xwe û rûmeta xwe parastin, peyamek yekane hilgirtin. em nikarin rola pêşeng a jinan di vê berxwedanê de nepejirînin. Li Şêx Meqsûd û Eşrefiyê, jin ne tenê şahidên bûyeran bûn,ew şervan, bijîşk, rêxistinvan û dayikên şehîd û şervanan bûn. Hebûna wan li eniyên pêşîn û di qadên çalakiyên gelêrî û siyasî de îspat kir ku rizgarî bêyî rizgariya jinan û rola wan a pêşeng ne temam e. Jinan beşdarî xurtkirina xetên parastinê, lênêrîna birîndaran û parastina civakê bûn, nîşan dan ku têkoşîn ne tenê qada yek komê ye.
Menel axaftina xwe wiha bidawî kir:Berxwedana wan, berxwedana me diyar kiriye û hêz daye me ku em heta vê gavê bisekinin.Em ê dilsozê peyama berxwedan bimînin, çi qas şev tarî be û çi qas rê dirêj be jî emê vî serkeftinê bidest bixin.
Her wiha li ser navê niştecihên Şêx Meqsûd û Eşrefiyê Mihemed Reşîd axivî: “Wekî ku em hêvî dikin, qehremanî di xwîna herî baş a kur û şehîdên me de hatiye nivîsandin. Di serdemeke ku ji bo rûbirûbûna vîrusên herî xeternak hatiye destnîşankirin de, me hilbijartiye ku em bibin derman. Em bi berxwedanî li ber xwe didin, wekî ku Fermandar Ziyad Heleb û hevalên wî dema ku biryara xwe fedakirinê dan û red kirin ku bi otobusê vekişin û biçin, piştrast kirin. Biryara wan ew bû ku bi sûcdarên herî hov û hikûmetên herî hovane ên dîrokê re rûbirû bibin. Em soz didin ku em ê li pey şopa wan biçin û ji bo başbûna bilez a birîndarên xwe û azadiya girtiyên xwe du`a bikin.”
Meş bi slogana şehîd namirin û berxwedan jiyane hat bidawî kirin.
