Navenda Nûçeyan
Koordînasyona Jinan a kantona Cizîrê bi daxuyaniyekê şehîdên berxwedaniya Şêxmeqsûd û Eşrefiyê bi bîr anî, herwiha sûdarên komkujiyan bi tundî şermezar kirin û bang li rêxistinên mirovî û mirovahiyê kir ku sûcdarên komkujiyên Şêxmeqsûd û Eşrefiyê ceza bikin.
Koordînasyona Jinan a kantona Cizîrê bi daxuyaniyekê komkujiyên Şêxmeqsûd û Eşrefiyê şermezar kir û banga lêpirsîna sûcdaran kir.
Daxuyanî wiha bû:
Daxuyanî wiha hat destpêkirin: “Em destpêkê berxwedaniyên gelê xwe bi bîr bînin şehîd Denîz Çiya, Ziyad Heleb, Rojbîn Hesekê, Dilbirîn, Feraşîn Efirîn, Şehîda Amara, Leyla Qasim û hemû şehîdên ku tevilî berxwdaniya taxên Şêxmeqsûd û Eşrefiyê bûn, em bi rêz û hirmet li ber giyanê wan ê paqij û têkoşîna wan bejna xwe ditewin û em sersaxiyê ji malbatên şehîdan re dixazin ku bi moralekî bilind û derfetên sînordar tevilî berxwedanê bûn û li hemberî êrîşên hovanê sekinîn ya ku di rêkefta 6’ê Çileya 2026’an de destpêkir. Şêxmeqsûd û Eşrefiyê rastî êrişên sîstematîk, dûbarkirî û bêserûber ji aliyê hikumeta demkî û dewleta Tirkî bi çekên giran hat, ev êriş li ser sivîlan, jin, zarok û extiyar hate kirin û ev jî binpêkirina hemû zagonên navnetewî ye, ev yek 5 rojan berdewam kir.”
Daxuyanî wiha hat berdewamkirin: “Ermancgirtina sivîlan, mal û avahiyên ku ji bo armancên mirovî û perwerdehî hatine destnîşankirin ji nexweşxaneyan û dibistanan ev sûcekî şer e û binpêkirineke giran a zagonên navnetewî yên mirovî, ew jî weke binpêkirina peymana Cinêfa Çaran sala 1949’an û lîsta peymana Lahayî sala 1907’an û sîstema Roma destnîşan dike ku divê sivîl neyên armanc girtin, êrişên bêserûber neyên kirin, kuştin, îşkence an muameleya xerab neyê kirin. Herwiha divê êrişî personelên bijîşkî neyê kirin û divê rehîne neyên girtin. Wekî din tiştê ku hikumeta demkî û dewleta Tirk li ser van taxan ji kuştin û koçberkirin bi Kurdên li wir kirin bû, mebesta qirkirinê bû.”
Daxuyanî wiha hat qedandin: “Em wekî Koordînasyona Jinan a kantona Cizîrê bi tundî van sûcan şermezar dikin û piştrast dikin ku pêkanîna van sûcan di hemû aliyên wan de ji aliyê hikumeta demkî û dewleta Tirkî ve li dijî Mirovahiyê ye. Em bang li civaka navneteweyî, sekerterê giştî yên NY û dewletên garantor dikin ku piştî lêpirsînek şefaf û serbixwe ya dozen wan berpirsyarên van tawanan hesab bipirsin û wan bibin ber dadgeha cezayî ya navneteweyî ku desthilata wê li ser van tawanan heye. Herwiha em daxwaza dikin ku konseya ewlehiyê ya NY berpirsiyariyên xwe yên yasayî û exlaqî yên derbarê van binpêkirin û tawanên li dijî gelên Şêxmeqsûd û Eşrefiyê û saziyên sivîlan û parastinan milkê (hêza parastina Hundirîn) hatine kirin. Em daxwaza hesabkirina van sûcdaran ceza bikin, bi navê şehîda Denîz yên ku beden û ruhê wê yê paqij hatiye parçekirin, ev yek piştrast dike ku ev kiryarên DAIŞ’ê ne. Em banga hemû rêxistinên mirovî û mirovahiyê dikin ku hewlên xwe ji bo eşkerekirina rastiyê û piştgiriya gel zêde bikin. Wek Koordînasyona Jinan em soz didin şehîdan ku heta armancên gel ên xwestî pêk werin û serftin pêk were, em ê li ser şopa wan bimeşin em ji birîndaran şifa dixwazin.”
