Esma Mistefa/Qamişlo
Hevseroka Heyva Sor A Kurd Hediya Ebdullah da zanîn ku di nava hovîtiya êrişan de tîmên wan yên li her du taxan li ser erkên xwe bûn û got: “Hewildanên alîkariya tenduristiyê hatin redkirin, lê bi hatina birîndaran û Şehîdan re em li benda pêşwazî û pêşkêşkirina alîkariyê bûn. Nêzî sed birîndar û du şehîdan derbas bûn”
Ji ber van êrişên hovane yên hikumeta demkî ya Sûriyê li taxên Şêxmeqsûd û Eşrefiyê gelek kes hatin kuştin, revandin, serjêkirin û birîdarkirin. Ji ber vê yekê Heyva Sor a Kurd li Bakur û rojhilatê Sûriyê biryar da ku destek û alîkariyên mirovî bide kesên birîndar li wan her du taxan û derbasî Helebê bibe. Lê belê ji ber destekdayîna birîndarên taxên Şexmeqsûd û Eşrefiyê di 9’ê çileyê de Heyva Sor A Kurd bi rêket, di destpêkê de ji alyê hikumeta demkî ya Sûriyê ve hatin redkirin û rê nedan ku derbasî her du taxan bibin. Herwiha di 11’ê çile de biryara derxistina sivîl û birîndaran re ber bi Herêmên Rêveberiya Xweser hatine dayîn.
Di derbarê rewşa birîndaran, kar û xebatê ku hatiye kirin Hevseroka Heyva Sor A Kurd Hediya Ebdullah ji Rojanemeya me re axivî.ediya Helklklknmg
Hovîtiya êrişan û windakirina derfetên dermankirinê
Hediya Ebdulah anî ziman ku rewşa ku li her du taxên Şêxmeqsûd û Eşrefiyê hate jiyankirin li dijî mirovahiyê bû û wiha got: “Hewldanên me weke heyva Sor Heyva Sor A Kurd hebûn û li wan her du taxan du xalên tenduristiyê yên Heyva Sor A Kurd hebûn. Herwiha ev her du xalên tenduristiyê 24 seatan dibin xizmeta gel de bûn. Di vî şerê dijwar de li wan her du taxan jî tîmên me yên ambulansê ruxmî ewqas zehmetiyan bi erkê xwe rabûn û birîdar radikirin nexweşxaneyanan. Ji ber hovîtiya êrişan û nebûna derfetan nexweşxaneya Xalid Fecir ya tekane li taxê derfeta derman peydakirin û dermankirina birêndaran bi demê re winda kir. Me ji roja yekemîn ji êrişan de hemahengî bi Heva Sor A Sûriyê re û Xaça Sor a Navnetewî re jî kir, lê heta niha tu bersiv ji aliyê wan ve nehate dayîn.”
‘Ambulans hatin redkirin’
Hediya di berdewamiya axaftina xwe de ev bilêv kir: “Bi giranbûna şer re û bi windakirina pêşkêşkirina alîkariya mirovî û tendurisî li Helebê, me li vir biryar da ku em 15 Ambulansên Heyva Sor A Kurd derbasî her tu taxan bikin. hemû ambulans ji her alî ve hatin amadekirin û ber bi Dêr Hafir ve çûn. Lê belê ev alîkariya mirovî ji aliyê hikumeta Demkî ve 15 Ambulansên Heyva Sor A Kurd hatin redkirin. Mixabin ji ber wê yekê me nikarî bi nexweşxane û hevalên wê derê re bibin alîkar.”
Hediya da zanîn ku di 11’ê Çile de birîndar û Şehîd gihîştin Dêr Hafirê û ew li bendê bûn û got: “Hevya Sor A Kurd di 11’ê çile de li benda Şehîd û birîndarên ku ji her du taxan derketine bû. Nêzî sed birîndarî û du şehîd ji wan her du taxên Şêxmeqsûd û Eşrefiyê anînî. Herwiha birîndar li nexweşxaneyên Reqa, Tebqa û Hesekê hatin belavkirin. Rewşa wan tê şopandin û bi hemû derfet û alîkariyan em û nexweşxaneyan bi hev re dibin alîkar.”
Hevseroka Heyva Sor A Kurd Hediya Ebdulah axaftina xwe wiha bi dawî kir: “Banga me ew ku Xaca Sor a Navnetewî û hemû rêxistinên tenduristî yên navnetwî bi erkê xwe rabin û bêdeng nebînin. Pêwîst e weke her car li hember sûcên şer yên ku tên kirin bê deng nemînin. Herwiha destekê bidin Heyva Sor A Kurd, ji ber ku di vê demê de barê herî giran li ser milê Hevya Sor A Kurd e.”
Hêjayî gotinê ye ku sê endamên Heyva Sor A Kurd li Helebê hatin girtin û navê wan wiha ne: Yûsif Henan Hamoko – Ajokarê Ambûlansê
Ebdulrehman Ebdo – Hemşîre
Ramî Hisên El-Elî – Berpisyarê Tîma Bijîşkî
