Solîn Mihemed/ Qamişlo
Heyva Sor a Kurd diyar kir ku girtina xebatkarên Heyva Sor A Kurd ji hêla çeteyên girêdayî hikûmeta demkî ya Sûriyê ve binpêkirineke eşkere ya qanûnên mirovî yên navneteweyî ye, herwiha Heyva Sor bang li rêxistinên mirovî kir ku bi lezgînî mudaxele bikin da ku rêz li prensîbên xebata mirovî were girtin.
Di derbarê girtina 3 endamên Heyva Sor a Kurd ji aliyê çeteyên girêdayî hikumeta demikî ve li Şêxmeqsûd û Eşrefiyê, Heyva Sor a Kurd li bajarê Qamişlo daxuyaniyek da
Naveroka daxuyaniyê:
“Di bûyerên dawî de li taxên Eşrefiyê û Şêx Meqsûd li Helebê, sê endamên Heyva Sor a Kurd dema ku erkê xwe yê mirovî yê pêşkêşkirina alîkariya yekem û lênêrîna bijîşkî ji sivîlên ku di êrîşan de bandor bûne pêk dianîn ji aliyê Hikûmeta Demkî ve hatin girtin.
Em Heyva Sor a Kurd piştrast dikin ku tîma me bi tevahî bi karê mirovî mijûl dibû, dûrî her ajandayek siyasî an leşkerî ye. Her Sê endamên me yên girtî jî ev in:
Yûsif Henan Hamoko – Ajokarê Ambûlansê
Ebdulrehman Ebdo Ebdo – Hemşîre
Ramî Hisên El-Elî – Berpisiyarê Tîma Bijîşkî
Girtina van xebatkarên mirovî binpêkirinek eşkere ya qanûna mirovî ya navneteweyî ku parastina xebatkarên bijîşkî û alîkariyê di dema pevçûnan de garantî dike. Em daxwaza berdana hevkarên xwe bê şert û merc û garantîkirina ewlehiya wan û vegera wan ji bo karê wan ê mirovî dikin, herwiha em aliyên berpirsiyar ji bo her zirara ku dibe bi serê wan de were bi tevahî berpirsiyar dibînin. Herwiha em bang li hemû rêxistinên navneteweyî û mirovî dikin ku bi lezgînî mudaxele bikin ku rêz li prensîbên xebata mirovî were girtin û karmendên bijîşkî û alîkariyê ji her armancgirtin an girtinê werin parastin.”
