Berdevkê Komîteya Çand û Huner Cemîl Ehmed diyar kir ku, divê nifşên nû çand û hunera xwe baş nasbikin û lê xwedî derkevin û got; ji bo ku gel û bi taybet ciwanên nû hatî bi çanda xwe ve were girêdan, divê em di dilê wan de eşqa hunerê biçînin.
Dilîn EHMED/Ronahî Qamişlo
Berdevkê Komîta Çand û Huner Cemîl Ehmed diyar kir ku, bi armanca pêşxistina çand û hunerê ew her hefteyê şahiyekê li dar dixînin.
Ji ber ku bandora çand û huner li ser mirovan pir e, rola wê di civakê de girîng e. Bi armanca pêşxisitna kar û xebatê çandî, navenda Mihemd Şêxo a çand û huner ya bajarê Qamişlo, bi alîkariya Desteya Çand û huner her heftiyê roja Înê li baxçeya Avêsta ji saet 8 heta 10`an şahiyekê li dar dixin. Bernameya şahiyê jî wiha ye: Her hefteyê stiranên filklorî, helbest, pêkenok û li ser jiyana kesayeteke navdar yê kurdî tê xwendin, ev piroje wê berdewam be heta ku rewşa hewayî nebaş bibe, wê li navendê şahî were dewam kirin.
DIVÊ ÇAND Û HUNERA KURDÎ JI HÊLA NIFŞÊN NÛ VE WERE PARASTIN
Berdevkê Komîta Çand û Huner Cemîl Ehmed diyar kir ku, divê nifşên nû çand û hunera xwe baş nasbikin û lê xwedî derkevin û got; ji bo ku gel û bi taybet ciwanên nû hatî bi çanda xwe ve were girêdan, divê em di dilê wan de eşqa hunerê biçînin, lewra pêwîstî bi çalalkiyên çandî heye. Ji ber ku rejîma Sûriyê û hemû welatên din zimanê kurdî qedexekiribûn, mirov dikare bêje gel hinekî ji çanda xwe dûr ketiye û bi çanda dijmin ve bandor bûne. Ji ber bandora mûzîkê li ser mirovan heye, me xwest di riya şahiyan de vê çandê di nav civakê de belev bikin.
ŞOREŞA ROJAVA DERFET DA KU EM ÇAND Û HUNERA XWE BI RUH BIKIN
Berdevkê Komîta Çand û Huner Cemîl Ehmed di dawiya axaftina xwe de wiha got: Şoreşa Rojava derfeteke mezin da ku em çand û hunera xwe pêşbixînin, ji ber wê bila her kes baş zanibe ku eger me ev dereft ji destê xwe berdin, bawerbikin wê careke din ev derfet ji me re neyê. Ji ber vê yekê pêwîstî bi pşxistina ziman, wêje, çand û huner civakê heye. Di dawiyê de dixwazim bêjim, em hêvîdarin ku wê nifşên nû bi kar û xebatên xwe wê çanda civakê pêşbixînin.
