Navenda Nûçeyan
Hêzên Ewlekariya Hundirîn a Şêxmeqsûdê bi daxuyaniyekê tekez kir ku Idîayên hebûna tûnel di bin nexweşxaneya Xalid Elcafer de derew in. Herwiha di daxuyaniyê de Hêzên Ewlekariyê bang li rêxistin û saziyên navnetewî kir ji bo destekdayîna sivîlan.
Hêzên Ewlekariya Hundirîn a Şêxmeqsûd derbarê idîayên komên çete yên girêdayî hikumeta demkî ku dibêjin tûnel di bin nexweşxaneya Xalid Elcafer de hene û hêzên Asayîşê tevgera leşkerî dikin, daxuyaniyek da.
Daxuyanî wiha hate destpêkirin: “Rayedarên desthilatdariya demkî ya Sûriyê îddia dikin ku di vê kêliyê de li Şêxşeqsûd agirbest ragihandine û îddia dikin ku di xistexaneya Xalid Elfecr de hêzên me yên çekdar hene. Ev her dû îddia jî ne rast in û ji rastiyê dûr in. Li taxê di navbera hêzên me û çeteyan de pevçûn berdewam dike. Çete bi hemû hêza xwe û bi piştgiriya balafirên ajokar êrişên xwe berdewam dikin û hêzên me jî parastina taxên xwe bi awayekî fedaîyane berdewam dikin.”
Hêzên Ewlekariya Hundirîn a Şêxmeqsûd wiha bang li rêxistinên mafê mirovan kir: “Me di daxûyaniya xwe ya beriya niha de jî îfade kir ku di misteşfê de hêzên me nîn in û kesên di misteşfê de hemû însanên sivîlin, kesên birîndarin, jin û zarok in. Em dûbare bang dikin ku saziyên mafê mirovan yên bê alî werin nexweşxanê kontrol bikin û rastiyê bi xwe belge bikin. Daxûyaniyên çetan bi armanca rewakirina qetlîamekî ku dixwazin di misteşfê de pêkbîne. ”
