Esma Mistefa/Qamişlo
Gelê Kantona Cizîrê û yên Efrînê di saetên sibê de li ber çarxereya Şehîd Yûsif Gulo ya Qamişlo kom bûn û bi karwanên hevgirtinê berê xwe dan piştgiriya berxwedana Taxên Şêxmeqsûd û Eşrefiye.
Îro bi hezaran ji gelê Kantona Cizîrê û Gelê Efrînê di saetên sibehê de li ber çarxereya Yûsif Gulo ya bajarê Qamişlo kom bûn. Ev gel bi karwaneke pir mezin ji siwariyan bi hev ketin da ku berê xwe bidin berxwedana ku ji 4 rojna ve li her du taxên Şêxmeqsûd û Eşrefiye yên Helebê tê kirin.
Gelên Bakur û Rojhilatê Sûriyê li ser banga seferberiya ku ji aliyê Meclisa her du taxan a ku duh hatiye îlankirin, wan jî seferberiya piştgiriyê ragihandin ku bi kerwanan ji duh ve gel berê xwe dide her du taxên Kurdan yên Helebê.
Hêjayî bîrxistinê ye ku ev ne cara yekemîne ev gel ji bo piştgiriya Berxwedan û têkoşîna ku tê kirin, seferber dibin. Di Berxwedana Serdemê ya Efrînê 2018’an de jî bi hezaran gelên Bakur û Rojhilatê Sûriyê berê xwe dan Efrînê.
