Navenda Nûçeyan
Endamê Fermandariya Giştî ya Hêzên Sûriya Demokratîk QSD’ê Sîpan Hemo tekez kir ku yekîtî û berxwedana gelên taxên Şêxmeqsûd û Eşrefiyê li Helebê bingeha têkbirina hemû plan û gefan bûn û wê bimînin, ji ber ku ev tax dê bimînin kelehên berxwedanê.
Endamê Fermandariya Giştî ya Hêzên Sûriya Demokratîk QSD’ê Sîpan Hemo li ser êrişên ku ji şeva borî ve li taxên Şêxmeqsûd, Eşrefiyê û Benî Zeyd ên Helebê ji aliyê çeteyên girêdayî hikumeta demkî ve têne kirin, axivî.
Sîpan Hemo wiha diyar kir: “Ev roj roja rûmetê ye, Şêxmeqsûd û Eşrefiyê jî sembola berxwedan û têkoşînê ye. Vî gelî bi dirêjahiya 15 salan rastî êriş, dorpêç û binpêkirinan rû bi rû maye. Em di wê baweriyê de ne ku bi hişmendiya xwe û welatparêziya xwe ya bilind, ew ê di tax û malên xwe de li dijî êrişan mil bi mil bi hêza xwe re bisekine. Herwiha em bawer dikin wê ev gel bi yekîtî û hêza xwe li dijî hemû planên dijmin li ber xwe bidin. Taxên Şêxmeqsûd p Eşrefiyê kelehên berxwedanê ne, ew têk naçin. Wê berxwedanî û serhildana gel bi vîneke sabit heyanî parastina ax, mirov û rûmetê bidome.”
