Esmehan Gedo/Reqa
Meclisa Cibcîkar a Reqayê bi daxuyaniyekê êrişên ku li ser taxên Şêxmeqsûd û Eşrefiyê yên Helebê têne kirin şermezar kir.
Meclisa Cibcîkar a Reqayê, bi beşdarbûna Meclisa Kombûna Jinan a Zenûbiya, Meclisa Efrîn û Şehba, Saziyên Sivîl, koçberên Efrîn û Şehbayê daxuyaniyeke nivîskî girêdayî êrişên ku li ser taxên Şexmeqsûd û Eşrefiyê yên Helebê ji aliyê çeteyên girêdayî hikumeta demkî ya Sûriyê tê kirin, da û di daxuyaniyê bi tundî ev êriş şermezar kir. Daxuyanî ji aliyê Hevseroka Meclisa Cibcîkar a Reqayê Hêvîn Ismaîl ve hate xwendin.
Daxuyanî wiha hat destpêkirin: “Di 6’ê Çileya 2026’an de Taxên Şêxmeqsûd û Eşrefiyê li Helebê rastî êrişên hovane û sîstematîk ku ji aliyê komên çekdar ên girêdayî hikumeta demkî ya Sûriyê ve hatin kirin, hat. Van koman çekên giran ku di nav de roketavêj, tank û dron bi kar anîn, da ku rasterast deverên niştecihbûnê yên bi qerebalix hedef bigirin. Di encamê de ziyanên mezin pêk hate, herwiha 6 sivîl şehîd bûne û gelek birîndar hene. Ev êriş sûcek neteweyî ya tevahî û binpêkirinek eşkere ya hemû têgihîştin û peymanan pêk tînin. Herwiha binpêkirina peymana 10’ê Adarê û ya 1’ê Nîsanê ku bingeha çareseriyek Sûrî û çarçoveyek berfireh ji bo parastina yekîtîya welêt û parastina nirxên rastîn ên şoreşa Sûrî pêk tînin, bû.”
Daxuyanî wiha hat domandin: “Şoreş ji bo azadî, rûmet û hilweşandina zordariyê hate destpêkirin, ne ji bo hedefgirtina sivîlan an hilweşandina tevna civakî ya Sûrî. Em hikumeta demkî bi tevahî ji hêla siyasî û qanûnî ve, berpirsiyarê van êrişan dibînin, ji ber ew temsîliyeta siyasî û çavdêriya van komên çekdar îdîa dike ye. Ev êrişên hovane ku li ser bajarê Helebê û taxên Eşrefiyê û Şêxmeqsûd diqewimin, gefek rasterast li ser yekîtiya neteweyî ya Sûriyê ye.”
Daxuyanî wiha hat bidawîkirin: “Em berxwedana gelê xwe li taxên Eşrefiyê û Şêxmeqsûd silav dikin ku 14’salan xeta yekem a parastinê li dijî zordariyê pêk anîn û li dijî hemû projeyên parçekirin û dabeşkirinê kelehek neteweyî dimînin. Herwiha ew sembolek zindî ya îradeya gelê Sûriyê ji bo azadî û rûmetê ne. Di encamê de, em berxwedana Hêzên Ewlekariya Hundirîn yên Helebê silav dikin, ev êrişên ku li ser her du taxan tê kirin şermezar dikin û derbasbûnê ji bîrindaran re dixwazin.”
