Esmihan Gedro/Reqa
Bi hatina zivistanê re rewşa koçberan li Bakûr û Rojhilatê Sûriyê hîn dijwartir bûye. Bi taybetî li kampên ku li Reqa û Tepqayê gelên Şehbayê lê dijîn, sarma, baran û şertên jiyanê yên neamade jiyana bi hezaran malbatan xirabtir dike.
Di encama êrîşên dewleta Tirk a dagirker û çeteyên wê li ser Efrîn di 2018 de ku gelê heremê neçar ma berê xwe bide şehba lê di dawiya sala 2024’an de careke din êrîşên xwe anîn ser şehba û Gelê heremê neçarî koçberiyê ma û berî xwe dan herêmên Bakur û Rojhilatê Sûriyê.
Endamê qumîteya xizmet Gûzeriyê ya meclisa Efrîn û şehba li reqayê Henan Henan Elo li ser zehmetî û sermaya ku koçber pêre rû bi rû tênê ji rojnameya me re axivî.
Henan Elo diyar kir ku nêzî 1300` malbat li Reqa û 2300` malbat li Tebqa ji ber koçberiya ji Efrîn û Şehba di kampan û dibistanan de bi semaya zivistanê û rewşên zehmet re rû bi rû mane.
Henan Elo got ku Rêveberiya xweser ji bo her malbatekê 300 litre mazot hatiye belavkirin lê ji ber sermeya zêde di dibistan û kampan de ev mazot tîre wan nakê. Di nava koçberan de yên bêhtir zehmetî dikşînin kal û pîrên ku bi temen mezin, zarok û kesên nexweş ku ew zêde nikirin sermê tehmûl bikin.
Henan Elo anî ziman û got” koçber ne tenê bi sermaya zivistanê re rû bi rû mane her di kampan û dibistanan de nixweşî belav dibin ji wan nixweşiya xwurî derketiye. Xelkên Efrînê li benda derketina dewleta tirk û çeteyên girêdayî wê ne ku ji Efrînê derkevin, da ku karibin vegerin liser milk û malên xwe.”
