Navenda Nûçeyan
Midûriyeta Giştî ya Trafîkê ya Bakur û Rojhilatê Sûriyê ragihandin ku di sala 2025’an de 3732 qezayên Tirafîkê rû dane û di encamê de 209 kesan jiyane xwe ji dest dane û 2210 kes jî birîndar bûne.
Derbarê binpêkirin, ceza û qezayên tirafîkê di sala 2025’an de, Midûriyeta Giştî ya Trafîkê ya Bakur û Rojhilatê Sûriyê daxuyaniyek da û naveroka daxuyaniyê wiha ye:
“Bîlançoyên giştî diyar dike ku qezayên tirafîkê yek ji sedemên serke yên mirin û birîndariyê ye, salan e bi hezaran qeza rû didin ku di encama wê de bi sedan kes dimrin û bi hezaran jî birîndar dibin, herwiha ziyanên madî yên mezin rû didin.
Di sala 2025’an de jimara cezayên Tirafîkê gihşt 758,627 cezayan, herwiha amûrên xemilandina otombîlan ku qedexe kirî ne mîna ( şewq, perde û fêmê ku dîtinê kêm dikin) 6579 parçe hatine serdestkirin.
Dateyên binpêkirin û cezayên tirafîkî:
-Cezayên leza zêde nêzî ji sedî 30-40 ji cezayên hatine tomarkirin.
-Cezayên ne pabendîbûna bi şaxîsatên tirafîkê ji sedî 15- 20 ji cezayan e.
– Cezayên bikaranîna telefonan di dema ajotinê de her ku diçe zêde dibe ji sedî 15-20 ji cezayan e.
-Tevî cezayên ne girêdana kembera ewlehiyê, derbaskirina çewt û ajotina bêserûber.
Herwiha li gorî rûdanan diyar dibe reftarê mirov dimîne sedema sereke ya rêjeya ji sedî 80 ji rûdana qezayan e, ew jî di encama reftar û kiryarên şaş û ne pêkanîna rêgezên tirafîkê de pêk tê.
Bandora qezayên tirafîkê ne tenê li ser ziyanên mirovî tên dîtin ji lewra li ser:
Ziyanên aborî ku bi miliyaran bandor dike.
Zexteke mezin li ser aliyên tenduristî û xizmetguzariya rewşên awarte dike.
Bndorên piskolojî û civakî li ser endam û malbatê dike.
Bîlançoya qezayên tirafîkê yên di sala 2025’an:
– Jimara qezayan (3732)
– Jimara birîndaran(2210)
– Jimara miriyan(219)
Li ser vî esasî em tekez dikin ku ewlehiya tirafîkê erka me giştî ye û hevbeş e lewma tê xwestin ku aliyên fermî, dezgehên ragihandinê û saziyên civakê bi hev re destek bidin ew jî di riya:
– Belavkirina hişmendiya rast ya tirafîkê.
– Pabendîbûna bi zagonên tirafîkê
– Misogerkirina çanda ajotina aram
– Destekdayîna hemleyên hişmendî û çavdêriyê
Di dawî de, em di wê baweriyê de ne ku pabendîbûna zagonên tirafîkê ne tenê sîstemeke were pêkanînî lê belê reftarekî çandî ye ku hem can hem civakê diparêze.
