Esma Mistefa/Qamişlo
Yek ji berpirsê giştî ya Trafîka Kantona Cizîrê Ehmed Elo da zanîn ku bi barîna berfê re li ser asta kantona Cizîrê nêzî 28 qezayan rûdan û di encamp de 9 birêndar û zarokek jiyana xwe ji dest da.
Li herêmên Bakur û Rojhilatê Sûriyê di van çend rojên derbasbûyî de barîna berfê kêfxweşiyek di dilê her kesî de avakir. Li seranserî herêmê û bi hatina sersalê re gel bi kêfxweşiya berfê sersala nû pêşwazî dikin. Lê di aliyê ewlekariyê de divê mirov baldar be, di encama berf û qeşayê de hin qezayên tirafîkê hatin rûdan ku bû sedema ziyanên madî û mirovî. Rûxmî ku hêzên Ewlekariya Hundirîn û Tirafîka Bakur û Rojhilatê Sûriyê 24 saetan li ser erkên xwe ne. Têkildarî vê yekê yek ji berpirsên Trafîka Kantona Cizîrê Ehemd Elo ji rojnameya me re axivî.
‘Divê ajokar baş baldar be’
Ehmed di destpêkê de encama qeza û birîndariyên ku rûdane anîn ziman û wiha got: “Di encama barîna berfê li kantona qamişlo, nêzî 28 qezayên trafîkê hatin rûdan, di encamp de 9 rewşên birêndarî yên sivik rûdan her wiha zarokekî jiyana xwe ji dest da. Ev yek di encama ne xweparastin û nebaldariyê de tê kirin. Divê ajokar hîn zêdetir baldar be, bi taybet divê ajokar siwariya xwe li gor van rewşana amade bike, yanî di aliyê teknîka siwariyê de divê amadekariyeke baş hatibe kirin.”
‘Hêzên me 24 saetan li ser erkên xwe ne’
Her wiha Ehmed bal kişand ser kar û erkên ku ji bo ewlekariya gel hatine kirin û wiha got: “Li seranserî Bakur û Rojhilatê Sûriyê ji bp ewlekariya gelê me him ji bo sersalê û him jî ji bo barîna berfê, Hêzên Ewlekariya Hundirîn û Trafîk 24 saetan li kolanan û li ser erkên xwe bûn. ev yek weke erkekî me yê mirovî û bingehîne ku em parastina gelê xwe ji hemû cureyên qezayan bikin. di heman demê de em wan hişyar bikin û li gorî talîmatên ku tên ragihandin tevbigerin.”
Ehmed di dawiyê de banga gel kir û wiha got: “Em ji bo parastina jiyana gelê xwe bang li gel û bi taybet li ajokaran dikin ku li gor pîvanên ewlehiyê û parastina xwe tevbigerin. Em ji bo ewlehî û selametiya gelê xwe kar dikin û bi erkên xwe radibin, bi hêvî ne ku gel jî di van rewşan de bi me re bibe alîkar.”
