Navenda Nûçeyan
Navenda Ragihandinê ya QSD’ê bi daxuyaniyekê bîlançoya sala 2025’an a operasyonên ewlehî û leşkerî yên li dijî çeteyên DAIŞ’ê aşkere kir. Di daxuyaniyê de hat diyarkirin ku QSD’ê li dijî çeteyên DAIŞ’ê 163 operasyon li dar xistin. Herwiha DAIŞ’ê jî 220 caran êrişî QSD’ê kir.
Navenda Ragihandinê ya Hêzên Sûriya Demokratîk (QSD) bi daxuyaniyekê bîlançoya sala 2025’an a operasyonên ewlehî û leşkerî yên li dijî çeteyên DAIŞ’ê aşkere kir.
Di daxuyaniyê de hat diyarkirin ku di encama operasyonên QSD û Yekîneyên Parastina Jin (YPJ) de bi dehan kesên ku tevlî çalakiyên terorê bûne hatin girtin û kuştin, herwiha torên destekdayîna lojîstîk hatin jihevxistin, cih û navendên DAIŞ’ê hatin rûxandin û çek û teqemenî berî ku di nav sivîlan û saziyên fermî de werin teqandin, hatin desteserkirin.
Di daxuyaniyê de hat gotin ku operasyonan di parastina bi mîlyonan sivîl, parastina aramiyê û pêşîgirtina li vegera DAIŞ’ê de roleke sereke lîst, bi taybetî bi rêya kontrolkirina kamp û girtîgehên çeteyên DAIŞ’ê.
Di berdewama daxuyaniyê de hat destnîşankirin ku tevî lewazkirina DAIŞ’ê lê hîn jî metirsiya wê heye û hewl didin ji valahiya ewlehiyê feydê bibînin û aramiyê têk bibin.
Di daxuyaniyê de pabendiya domandina têkoşîna li dijî terorê bi rêbazên leşkerî, ewlehî, civakî û fikrî bi hevkariya hevkarên navneteweyî hat dubarekirin.
Li gorî daxuyaniyê, bîlançoya êrişan wiha ye:
163 operasyonên ewlehî û leşkerî hatin kirin: 3 operasyonên lêgerînê yên berfireh. Di heman demê de hejmara operasyonên biserdegirtinê 128 bû. Pevçûnên rasterast bi çeteyên DAIŞ’ê re 32 bûn. 140 çeteyên DAIŞ’ê yên hatine girtin.
Çeteyên DAIŞ’ê yên hatine kuştin 13 ji wan 3 serçete bûn. Mayînên ku hatine betalkirin 79 bûn. Herwiha DAIŞ’ê 220 caran êriş kir. Rêjeya operasyonên li dijî DAIŞ’ê li gorî deveran wiha hatin diyarkirin:
Li deverên gundewaran ji sedî 70
Li bajar û bajarokab ji sedî 20
Li rêyên sereke ji sedî 10
Di salê de rêbazên êrişên DAIŞ’ê:
Şaneyên veşartî yên biçûk
Mayîn û kemînên biçûk
Hedefgirtina sivîlan û binesaziyê
Propaganda û zimanê nefretê
Encamên sereke wiha hatin diyarkirin:
Hêza operasyonan a DAIŞ’ê hat lewazkirin.
Torên destekdayîna lojîstîk û hevkarên wan hatin jihevxistin.
Têkbirina bi dehan êrişên li dijî sivîlan.
Xurtkirina aramiya herêmê
