Ahmet Aktaş
Di dîrokê de bi navê seferan, “Seferên Xaçperestiyê” gelek bi nav û dengin.
Heke gotina dawî mirov pêşî bibêje: Van “Seferên” xedar û malwêran ku 200 salî domandin, bi saya hiş û mejî û destê Sehaddinê Kurd dawî lêhat!
Van sefer an jî êrîşên xidar, her çendîn bi navê ol(xiristiyanî) hatibin despêkmirin jî, lê armanca bingehîn; talan û dagirkirina cih û warên berhemdar in.
Di çarçova van armancan de, mirovahî xistin nava 2 cengên cîhanî yên mezintirîn talanker, qirker û dagirker ku xetera wan êrîşan, îro jî dewam dikin.
Û jixwe dewama van êrîşkariyan, cîhan ketiye qonaxa şerê cîhanê yê 3yan û xeter tenê ne li ser mirovahiyê ye, belê li ser jiyana hemû xwezaya cîhanî ye, jiber ku bi hemû çek û amûrên kimyewî û nuklerî êrîş dikin!
Erê şerê Ukraynayê û Xezayê gelek derketin pêş û bêgûman bûyerên pir xerab li van herêman rûdan û hîn jî didomin, lê belê mirov bêjê hemû welat di bin bandora vê aloziya cîhanî de dikele, ne şaş e.
Li alîkî şer û ceng a dewletan, li aliyê din siyaseta dewletan a malxerab, bi taybetî jiyana ciwanan, bi giştî jiyana civakê herimandine; li gel medya civakî, bikaranîna made û amûrên hişbir, jiyanê bi tevayî dixin nava bê ewlehiyê, bê hêviyê, jiyanê li ber çavê civakê reş dikin, rûmetên mirovahyê pûç dikin, bi kurtayî aloziyê xurt dikin û civakê ji rêxistin bûyînê dûr dixin.
Bê gûman li welatê me serkêşiya vê siyaset û kiryarên xerab Dewleta Tirk dikişîne.
Ew jî, dijminê xwe yê sereke Tevgêra Azadiya Gelê Kurdistanê dibîne.
Ji vî alî ve destnîşana wan rast e, jiber ku yên li dijî siyaset û kiryarên wan ên qirker û nenasîna hebûna Kurdan, nasneme û baweriyên cuda derdikeve Tevgêra Azadiyê ye.
Loma dibêjim: Ev doz ji bo me man û neman e!
Îca ji bo vê siyaseta xwe ya qirker û dagirker cêbecê bike, li gel her sê dewletên din (Îran, Iraq û Sûrî) jî, weke ku yek dewlet in tevdigere.
Hema, bi taybetî em bala xwe bidin danstandinên wan ên vê sala dawî li gel rêveberiya Şamê ya veguhez a Colanî, mîna yek dewletê tevdigerin.
Tu dibêje, hema rêveberên dewleta tirk û Şemê yekin an jî Suriye weke eyaleteke wan e; jixwe wezirên wan Hakan Fidan û Yaşar Guler û Serokê MITê Ibrahim Kalin, weke biçin Stenbolê û bên diçin Şamê û tên.
Her çendîn dijberiya Israil jî bixin nava sedemên “seferên” xwe, lê ne rast e, dijayetiya wan a bingehîn; nerazîtiya azadbûna gelê Kurdistanê ye, jixwe di êrîşên ser Şêxmeqsûd û Eşrefiyê de jî carek din hat dîtin ku, çawa paralelî sefera wan hat despeekirin!
Naveroka ger(û seferên) vanan û Seferên Xaçperestan ne dûrî hev in.
Heke çend ji bo wan tê gotin Seferên Xaçperestiyê, miov ji yên vanan re ji dikare bêje: Seferên Tırkperestiyê.
Herwiha; çawa Seferên Xaçperestiyê ji aliyê fermanderê Kurd Seleheddîn ve hatin şikandin, ev Seferên Tirkperestiyê jî wê ji aliyê APOyê Kurd û şopdarên felsefeya wî werin şikandin!
