Hêvî Keleş/ Qamişlo
Cejna Noel piştî Cejna Paskalyayê wekî duyemîn cejna herî girîng a Xiristiyanan tê hesibandin û ew jidayikbûna Îsa Mesîh bi bîr tîne, ku di şeva 24’ê Kanûnê û roja 25’ê Kanûnê de li gorî her du teqwîmên Gregoriya û Yoliyanî dest pê dike.
Xiristiyanên li çaraliyê cîhanê her sal di 25’ê Kanûna Pêşîn de cejna Noêl pîroz dikin, bi bîranîna jidayikbûna Îsa Mesîh, aştî li ser wî be, di bûyerek olî û manewî de ku di eslê xwe de wateyên evîn, aştî hildigire Ew ji bo Xiristiyanan li çaraliyê cîhanê wekî yek ji cejnên girîng tê hesibandin.
Ji saetên serê sibê ve, dêr şahidiya kirina dua û rêûrismên ji bo vê boneyê kirin, ji ber ku bawermend hazirtiyê dikin da ku beşdarî rêûresmên olî bibin ku bi îlahîyên Noelê û xwendina metnên Încîlê yên ku behsa jidayikbûna Îsa Mesîh dikin û ev bîranîn bangek ji bo belavkirina qencîyê, redkirina tundûtûjîyê û pêşvebirina nirxên jiyana hevbeş di navbera mirovan de dihatin diyar kirin.
Li bajarê Qamişlo, mîna gelek bajarên din, atmosferek şahî û bextewariyê serdest bû, ji ber ku dêr û meydanên giştî bi darên cejnê yên ronîkirî û xemlên ku karakterê cejnê nîşan didin, hatibûn xemilandin, di heman demê de bazar şahidiya tevgerek berbiçav kirin ji ber ku mirov diçin da ku pêdiviyên pîrozbahiyê bikirin, di dîmenek ku giyanê jiyana hevbeş di navbera pêkhateyên cûda yên civakê de temsîl dike.
Pîrozbahiya cejna rojbûnê îsal di nava şert û mercên dijwar ên aborî û mirovî yên li herêmê de tê, lê bîranîna vê bûyerê girêdana mirovan bi hêviyê û biryardariya wan a belavkirina şahiyê tevî zehmetiyan nîşan dide, ji ber ku cejn dergehek psîkolojîk û civakî ne ku hezkirinê zêde dikin û têkiliyên di navbera endamên civakê de xurt dikin.
Cejna Noel di nav Xiristiyanan de cihekî taybet digire, ji ber ku ew ne tenê bi aliyê olî ve sînordar e, lê di heman demê de bûyerek civakî û mirovî ye ku têkiliyên malbatî xurt dike û banga nêzîkbûn û hevgirtina civakî dike, ji ber ku di van rojan de gelek kes dixwazin li gorî nirxên ku Îsa Mesîh gazî wan kiriye, alîkariya hewcedaran bikin û serdana nexweş û ixtiyaran bikin.
Bangek ji bo jiyana aştiyane di navbera ol û çandên cûda de were nûkirin
Ev cejin her wiha derfetek peyda dike ku banga ji bo jiyana aştiyane di navbera ol û çandên cûda de were nûkirin, ji ber ku malbat silavan li hev dicivînin û kesên civakên din jî di kêfxweşiya Xiristiyanan de beşdar dibin, bi awayekî ku kûrahiya têkiliyên civakî diyar dike û çandeke rêzgirtina hevbeş xurt dike.
Û bi gelemperî bi rêze serdanên malbatî, belavkirina diyariyan û çalakiyên civakî û çandî bi dawî dibe, ku tekez dikin ku ev bûyer peyamek mirovî ya cîhanî temsîl dike ku banga aştî û evînê dike û girîngiya hevgirtinê di rûbirûbûna zehmetiyan de bi bîr tîne.
Cejna Noêl bûyerek salane ye ku wateyên kûr ên giyanî û mirovî hildigire, di dilê bawermendan de hêviyê nû dike û piştrast dike ku nirxên aştî û biratiyê dikarin mirovan bînin ba hev, çi qas şert û merc û zehmetî cûda bin jî.
