Esmahan Gedro/Reqa
Li bajarê reqayê meclisa Efrîn û şehbayê ji bo piştgiriya gelê Şêxmeqsûd û Eşrefiyê meşeke girseyî li darxistin.Di meşê de koçberên Efrîn û şehba , kombûna jinan a zenobiya û saziya civaka sivîl amade bûn.
meş ji nexwaşxaneya zarokan destpêkir hetanî Qada jina azad. Di meşê de bi slogan Bijî berxwedana Şêx Meqsûd û Eşrefiyê, bê serok jiyan nabê berzkirin .
Her wiha pankêrtên ji mafê her jinekê ye ku bê tirs û bê tehdîd jiyan bike,û Alên hêza sûriya demokratîk (QSD) û Rêber Apo hatinbûn bilind kirin.
Di meşê de li ser navê kombûnan jinan a zenobiya Xilod Mihemed û endama Meclîsa Efrîn-Şehbayê Elî Xelîl êrîşên ser heremê şermezarkirin.
Xilod Mihemed got ku “Em êrîşên ku 22 Kanûnê de ji aliyên çeteyên hikumeta veguhêz ya Sûriyê ve hatine kirin Şermezar dikin. Di encama wan êrîşên hovane de dayikek şehîd bû û 19 kes jî birîndar bûn. Taxên Şêx Meqsûd û Eşrefiyê yên dorpêçkirî, bombebaran û êşên mezin kişandine, lê niştecihên wan bi israr mane, xwe bi jiyanê ve girê dane, yekgirtî ne û di her gave de berxwedanî kirine. Tiştê ku Şêx Meqsûd û Eşrefiyê jiyane krîzeke mirovî ye, ne tenê bûyerek demkî ye.
Xilod di dawiya axaftina xwe de wiha got:” Em berxwedana gelê xwe li taxên Şêx Meqsûd û Eşrefiyê silav dikin û hevgirtina xwe bi wan re radigihînin.”
Endama Meclisa Efrîn û Şehba Elî Xelîl bi daxuyaniyekê êrîşên li ser herdû taxên Helebê şermez kir. Û got” Gelê me li Şêx Meqsûd û Eşrefiyê ji ber dorpêçkirin û êrîşên dubare yên ku ji hêla komên girêdayî hukmeta sûriyê ve li ser wan hatine ferzkirin, gelek êş kişandin. Ev êrîş ku bê navber têne kirin, armanc dikin ku li ser îradeya gelê me li Şêx Meqsûd û Eşrefiyê kontrol bikin û aştî û aramiya herêmê têk bibin.
Ev operasyonên leşkerî, ku deverên niştecihbûnê yên bi qerebalix hedef girtin, bûn sedema şehîdbûna jinekê û birîndarbûna hejmarek sivîlên bêguneh, di nav de jin û zarok in. niştecihên Şêx Meqsûd û Eşrefiyê li hember polîtîkayên dorpêçkirin û kuştinê yên li dijî wan têne meşandin, berxwedan û berxwedana xwe ji cîhanê re îspat kirine. Ew gelekî ne ku nayê têkbirin, îradeya wan nayê şikandin û ji bo azadî û rûmetê axa xwe diparêzin.”
