Stêrk Mihemed/Qamişlo
Di nava du mehan de du caran hikumeta veguhêz bi awayekî hovane êriş taxên Şêxmeqsûd û Eşrefiyê yê Helebê kirin. Di encama van êrişan de şehîd û birîndar çêbûn, lê belê gelê Şêxmeqsûd û Eşrefiyê ranewstiyan, bi ruhê Şerê Gelê Şoreşgerî berxwedaniyek mezin dan meşandin.
Di 6`ê Cotmehê de gelê Şêxmeqsûd û Eşrefiyê yê Helebê li hemberî dorpêçê bi sedan şêniyên taxan berê xwe dan satirên axî yên ku ji aliyê hikumeta veguhêz a Sûriyê ve hatine danîn û li hemberî girtina rêyan û dorpêçê xwepêşandan li dar xistin. Li hemberî çalakiya gel, hêzên hikumetê jî bi gaza îsotê û panzêran êriş kirin, ji ber van êrişan gelek kes birîndar bûn.
Piştî hêzên hikumeta veguhêz êrişî gelê Şêxmeqsûd û Eşrefiyê kir, Hêzên Ewlekariya Hundirîn a taxên Şêxmeqsûd û Eşrefiyê ji bo parastina sivîlan bersiva êrişan dan. Di bersivdayîna êrîşên hêzên hikumetê de, endamên Hêzên Ewlekariya Hundirîn Çîçek Efrîn û Nûrî Hemokan şehîd bûn
Gelê Şêxmeqsûd û Eşrefiyê ev zêdetirî 2 mahan di nava dorpêçê dene
Beriya vê bi demekê di 25ˊê Îlonê ve dorpêçek giran li ser her du taxan hat ferzkirin, bi wê re hikumeta veguhêz nehêşt sotemenî û madeyên bingehîn derbasî her du taxan bibin. Herwiha gelê Şêxmeqsûd û Eşrefiyê zêdetirî 2 mehane ku di nava dorpêçeke mezin de jiyan dikin. Ji ber vê dorpêçê rewşa jiyanî li herdu taxan xerab bû. Bandor li ser rewşa xizmetê, eletrîkê, tenduristî û rewşa perwerdê jî kir. Ji 6`ê Cohmetê heya roja me ya îro gelê Şêxmeqsûd û Eşrefiyê berxwedaniyek mezin dan meşandin û bûn sembola Şerê Gelê Şoreşgerî. Ji zarokê 7 salî haya kalê 70’ê salî liberxwedan, têkoşîn û baweriya bi hêza xwe bi dîlanên serviraziyê nîşandin.
Bi çekên giran êrişî herdu taxan kirin
Careke din hikumeta veguhêz a Sûriyê xwast ku îradeya gel û şervanan bişkîne û hewildana dorpêça herdu taxan dikir. Di 22’ê Kanûnê de ji aliyê hikumeta veguhêz ve êrişeke giran bi ser taxa Şêxmeqsûd û Eşrefiyê de hat. Bi çekên giran êrişî herdu taxan dikir. Herwiha bi awayekî belav û dijmirovî mala sivîlan bombebaran dikir. Bi awayekî hovane û bi çekên giran Şêxmeqsûd û Eşrefiyê bombebaran kirin. Di encama vê êrişa hovane yên li dijî taxên Şêxmeqsûd û Eşrefiyê yên Helebê de jinek bi nave Fedwa Mihemed El Kurdî (57) salî a ji pêkhateya Ereb şehîd bû, 19 sivîl û du endamên Hêzên Ewlekariya Hundirîn birîndar bûn.
Ev êriş binpêkirina ji peymana 1’ê Nîsanê re ye
Hikumeta veguhêz dronên radikirin ser her du taxan, ev jî binpêkirina peymana 1ˊê Nîsanê ya di navbera Meclisa Giştî ya Taxên Şêxmeqsûd -Eşrefiyê û nûnerên hikumeta veguhêz de hatiye îmzekirin e. Di 1`ê Nîsanê de, di navbera Meclisa Giştî ya Taxên Şêxmeqsûd-Eşrefiyê yên Helebê û nûnerên hikûmeta veguhêz a Sûriyeyê, li Helebê peymanek der barê taxên Şêxmeqsûd û Eşrefiyê de hat îmzekirin. Peyman ji 14 xalên sereke pêk tê, di nav de xurtkirina jiyana hevbeş, parastina şêniyan, derxistina hêzên çekdar, û birêxistinkirina Ewlehiya Hundirîn. Di bendan de hat gotin ku ji bo pêkanînê komîte werin avakirin. Li kelek vê nepêkanîna hevpeymana ku di 10`ê Adarê yê ku di navbera HSD`ê û hikumeta veguhêz de hatiye îmzekirin. Hikumta veguhêz him di asta giştî de û him him jî di siyaseta xwe ya li Helebê de tu benden van hevpymanan pêk nîne, ji ber wê yekê jî em dibînin ku bi her awayî hewildanên êrişan dikin.
Herwiha li tevahî herêmên Bakur û Rojhialtê Sûriyê gel daketin qadan ji bo piştgiriya gelê Şêxmeqsûd, Eşrefiyê û şervanan bikin. Di vê çarçoveyê de ciwanên Qamişlo ji Rojnameya me re axivîn.
‘Ev herdu taxên biçûk bersiveke mezin ji hikumeta veguhêz re ye’
Ciwanê bi navê Hemo Hisên diyar kir ku Şêxmeqsûd û Eşrefiyê taxa berxwedaniyê ne û wiha got: “Em ciwanên Qamişlo heya dawiyê em ê piştgiriya gelê Şêxmeqsûd û Eşrefiyê bikin. Ev herdu taxên biçûk bersiveke mezin ji hikumeta veguhêz re ye ku wê heya dawiyê ev gel têkoşîn bike û li pişta şervanên xwe be. Em jî ciwanên Qamişlo wê hertim amadebin, piştgiriya gel û şervanên xwe bikin. Li Bakur û Rojhilatê Sûriyê tevahî gel ji bo Şêxmeqsûd û Eşrefiyê li qadane û wê tim li ser piyan bin”
‘Êrişên li ser herdu taxên berxwedanê şermezar dikin’
Ciwanê bi navê Çiya Cûdî destnîşan kir ku ew êrişên li ser Şêxmeqsûd û Eşrefiyê şermezar dikin û wiha pê de çû:
“Hikumeta veguhêz a Sûriyê êriş û kiryarên dijmirovî li Şêxmeqsûd û Eşrefiyê dike, em vê yakê qebûl nakin û bi tundî şermezar dikin. Herwiha em ê ji bo piştgiriya herdu taxên berxwedanê amade bin. Ev ne cara yekemîne ku êriş li ser Şêxmeqsûd û Eşrefiyê tê kirin, lê gelê me bi Şerê Gelê Şoreşgerî bersiva xwe didin û têkoşîna xwe careke din îsbat dike.”
