Solîn Mihemed/ Qamişlo
Ji bo azadiya fîzîkî ya Rêber Apo û bi durişmeya ‘Bi Rihê Komînal û Civaka Demokratîk Emê Bi Rêber Apo Re Azad Bijîn’, bi pêşengiya Kongra Star li bajarê Qamişlo meşeke girseyî hat lidarxistin.
Ji bo azadiya fîzîkî ya Rêber Apo û bi durişmeya ‘Em Rihê Komînal û Civaka Demokratîk Emê Bi Rêber Apo Re Azad Bijîn’ ji aliyê Kongra Star ve meşeke girseyî li bajarê Qamişlo hat lidarxistin.
Di meşê de sazî, rêxistin û bi hezaran şêneyên kantona Cizîrê beşdar bûn. Herwiha di meşê wêneyên Rêber Apo û ala Kongra Star hatin hildan.
Meş ji çerxereya Sonî dest pê kir û li çerxereya şehîdan veguherî mîting. Di destpêka mitîngê de deqeyek rêzgirtin li ser giyanê şehîdan hat rawestandin.
Piştire li ser navê Kongra Star Rîhan Loqo axivî û wiha got: “Meşa me ya îro meşa azadî, demokrasî û wekheviyê ye. Di sedsala 21’an de em dibînin yê ku herî zêde xwedî rolin di cîhanê de gelê Kurd e. Piştî banga dîrokî ya Rêber Apo guhertin û veguhertin di asta Kurdistan, Rojhilata Navîn û Cîhanê de pêk hatin. Dema ku îro em li vir kom bûne em ne di kêliyekê de kom bûne em bi saya rêxistin, tevger, hêz û rêbertiya xwe kom bûne.
Li ser navê Meclisa Malbatên Şehîdan Aîda Xelîl axivî û wiha got: “Em jî wek malbatên şehîdan îro em hazirin ji bo azadiya Rêberê xwe. Em bi saya Rêberê xwe îro roj mijara azadiyê dikin
mijara tevahî Cîhanê û em mijara nasnameya gelê Kurd dikin mijarekî esasî ya tevahî Cîhanê. Pêvajoya ku Rêber Apo dest pê kir pêvajoyekî dîrokî bû, bi vê pêvajoya dîrokî îro roj bi roj guhertin û veguhertin têne jiyankirin. Lê belê heta niha ji aliyê dewleta Tirk ve tu gavên piratîk nehatine avêtin. Herwiha ji bo ku pêvajoya Aştî û Civaka Demokratîk bi ser bikeve pêwîste ku dewleta Tirk gavan bavêje.
Meşê bi silogana ‘Bê serok jiyan nabe’ hat bidawîkirin.
