Dîlan Mulhim\Qamişlo
Desteya Tenduristiyê ya Kantona Cizîrê ji bo xweparstin û hişyarkirina ji vîrusa grîpa demsalî ku di nava gel de belav bû ye, daxuyaniyeke li pêşiya avahiya nexweşxaneya Gel a li bajarê Qamişlo da.
Desteya Tenduristiyê ya kantona Cizîrê ji bo hişyarkirin, xweparstin ji vîrosa grîpa demsalî ku di nava gel de belavbûyî daxuyaniyeke nivîskî li pêşiya avahiya Nexweşxaneya Gel a li bajarê Qamişlo da. Di daxuyaniyê de bi dehan bijîkên û karmendên tenduristiyê beşdar bûn. Daxuyanî bi nivîskî bû û bi zimanê erebî hat xwendin.
Naveroka daxuyaniyê wiha bû:
“Em ji her kesî re piştrast dikin ku vîrusa gripê ya ku niha hatiya belavkirin, ew yek ji cureyên gripê yên demsalî ye ku her sal xuya dibe, her çend ew bi veguhestina xwe ya bilez di vê demsalê de tê diyarkirin. Navên vîrusê dikarin biguherin, lê laşê mirov û hevkariya civaka me xeta me ya yekem û herî bihêz a parastinê dimîne. Ev vîros bandorê li pergala bêhindanê dike, nîşaneyên weke ta, kuxik, êşa qirikê, herikîna poz an girtina poz, serêş, û êşa masûlke û movikan e. Dema ku ev nîşan ne li kesekî nexweş derkeve pêwîste serdana bijîşk bike, da ku ev vîros lê giran nebe.
Niha divê demê de ji ber avhewaya herêmê gelek kes bi nexweşiya vîrosê ketin e, em bang li hemû gel dikin xwe ji nexweşan biparêzin. Ji ber vê nexweşiyê pêwîst e ku mirov parastina xwe ya kesayetî bikin. Desteya Tenduristiyê piştrast dike ku ew rojane rewşa tenduristiyê ji nêz ve dişopîne. Ji bo ewlehiya we û ewlehiya zarokên me û bi hevrêziya tevahî bi Desteya Perwerdehiyê re, biryarek hatiye dayîn ku dibistan herêmê çar rojan werin rawestandin. Ji bo xizmeta tenduristiya gel hertim em di nava tevgerê de ne.”
“Em ji bav û dayîkên zarokan re dibêjin ku parastina zarokên xwe bikin ji vê vîrosa ku niha di nava gel de belav bûyî bikin. Di heman demê de, em bi hêvî ne ku gelê me xwe ji vê vîros netirsînin. Ji ber ku ev vîros ne bi tirse, hêza gelê me xutre.”
