Navena Nûçeyan
Li Cezayîrê tundiya li dijî jinan ne tenê pirsgirêkek qanûnî ye, lê belê pirsgirêkek civakî û çandî ya her ku diçe kûrtir dibe. Di nava salekê de 37 cînayetên jinan hatin tomarkirin.
Jinên li Cezayîrê, rastî gelek pirsgirêkên mîna tundiya malbatî û civakî, sînordarkirinên civakî, zextên derdor û nepêkanîna qanûnên ji bo parastinê, tên. Tevî hemû hewildanan jî, ev yek dibe sedema bêdengbûna jinan.
Di sala 2025’an de 37 cînayetên jinan
Di sala 2025’an de 37 cînayetên jinan hatin tomarkirin. Piraniya van sûcan, piştî demek dirêj a tundiya cûrbecûr, di nava sînorên malê de pêk hatine. Piraniya jinan ji aliyê hevjîn, hevjînên berê an jî ferdên malbatên xwe ve hatin qetilkirin. Zêdebûna sûcên bi vî awayî ya di nava malê de, têkildarî sedemên rast ên zêdebûna tundiyê û neserkeftina qanûnên hêyî ya di aliyê parastina jinê de, gelek pirsan derdixe.
Hin mînakên tundiya li ser jinê li Cezayirê
Jina 30 salî ya navê bi Cemîla Belhac bikar tîne, gelek caran rastî tundiya hevjinê xwe hatiye. Hevjînê wê, Cemîla ji bo pereyan neçarî parsekiyê kiriye. Cemîla, di endama tundiya hevjinê xwe de bi awayekî cidî birîndar bû û rakirin beşa lezgîn a nexweşxaneyê. Di dawiyê de Cemîla Belhac, neçar ma keça xwe jî bigre ba xwe û bireve. Beriya çend rojan, li bajarê Sitêf ya li bakurê rojhilatê Cezayirê jinek 30 salî ya dayîka zarokekî bû, hat qetilkirin. Li gorî agahiyên destpêkê, jina ku beşdarî doza nefaqayê ya piştî hevberdanê vekir bû, dema ji dadgehê derketin, rastî êrîşe hat. Her wiha di 11’ê Mijdarê de li taxa El Intissar ya li bajarê Xilêzan ya Cezayîrê jina 30 salî ya dayîka du zarokan bû, ji aliyê hevjînê xwe yê berê ve zewicandî bû ve li ber mala malbata xwe hate qetilkirin. Sûcdar, bi amûreke birîne bi awayekî hovane êrîşê jinê kir.
