Solîn Mihemed/ Qamişlo
Hunergeha Welat û Şaredariya Qamişlo ji bo destpêkirina kampaniyaya paqijkirina dibistanan, li pêşiya dibistana Navîn ya şehîd Diyar ya li bajarê Qamişlo daxuiyaniyek dan.
Îro, li bajarê Qamişlo Hunergeha Welat û Şaredariya Qamişlo ji bo destpêkirina kampaniyaya paqijkirina dibistanan, li pêşiya dibistana Navîn ya şehîd Diyar ya li bajarê Qamişlo daxuiyaniyek dan. Di daxuyaniyê de Desteya Jîngehê ya Cizîrê, Desteya perwerdeyê, Komîngehên taxan, Mamoste û şagirt beşdar bûn. Di heman demê de daxuyanî ji aliyê hunermendê Hunergeha Welat Delîl Mîrsaz ve bi Kurdî hat xwendin.
Dexuyanî wiha ye :“Îro em wek Hunergeha Welat û Şaredariya Qamişlo bi kampaniyayek ji bo xwedîderketina li dibistanan me da despêkirin. Em bi navê xwedîderketina li dibistanan ji bo ku em van dibistanan paqij û baştir bikin me ev kampaniya dest pê kir. Dema ku zarok û şagirtên me di dibistanên wan de qirêjî û serma hebe nikarin wan zarokan perwerder bikin. Heya ku perwerdeyeke baş çê bibe divê hemû civak, sazî û herkes bikaribe xwedî li dibistanan derkeve, ji ber ku xwedîderketina li dibistanan xwedîderketina li perwerdeyeke baş e. Herwiha bi perwerdeyeke baş van zarokan sibe li keda vî welatî, şehîd û xebatkarên vî welatî xwedî derkevin, eger ev zarok baş perwerde nebin em nikarin bêjin ku pêşeroja me gelekî ronahî ye. Ev kampaniya me ji paqijkirinê bigirin heya aliyên din yên dibistanan û bi hemû awayên wê, wê werin saxlemkirin û avakirin.”
Daxuyanî wiha hat bidawîkirin: “Ev kampaniya wê îro dest pê bike û herwiha wê ev kampaniya gelekî dirêj jî bike û di heman demê de gelek saziyên din jî bibin alîkar û dest bi vê kampaniyayê bikin û berdewam bikin, da ku ev paqijî bighêje hemû dibistanên Bakur û Rojhilatê Sûriyê. Da ku em xwedî li dibistaneke baş û perwerdeke baş û avakirina nifşkî baş derbikevin, da ku di dema pêş de xwendekar jî xwedî li welatên xwe derkevin. Em bi hêvî ne ku herkes xwe di ber vê kampaniyayê de xwe berpirisyar bibîne ji bo bi hev re em jiyaneke baş û paqij ava bikin.”
Di dawiyê de bi hev re dest bi paqijkirina dibistanê kirin.
