Dîlan Mulhim\Qamişlo
Tevgera Ciwanan û Yekîtiya Jinên Ciwan ên Partiya Yekîtiya Demokratîk PYD’ê di çarçoveya kampanyaya Ekolojî de 50 dar li taxa Hilko a bajarê Qamişlo hatin çandind. Derbarê mijarê de endama Yekîtiya Jinên Ciwan a PYD’ê Dilîvan Reşîd diyar kir ku armanca wan xemilandin û paqjiya ekolojiya welat e.
Di çarçoveya hişyariya jîngehî, bicihanîna çanda parastina xwezayê û berfirehkirina rûberên hêşîn li hundirê bajêr de, ciwanan û jinên ciwan ên endamên Partiya Yekitiya Demokratîk (PYD) bi hevkariya Şaredariya Gel dest bi çandina 50 darî li taxa Hilko a bajarê Qamişlo kirin. Kampaniya heta dawiya mihê berdewam e.Di derbarê mijarê de endama Yekîtiya Jinên Ciwan a PYD’ê Dilîvan Reşîd ji Rojnameya me re axivî.
‘Li Qamişlo 50 dar hatin çandin’
Dilîvan Reşîd anî ziman ku kampaniya Ekolojî bi daxuyaniyekê hate destpêkirin û wiha got: “ Kampanya beriya mehekê bi daxuyaniyekê ji hêla ciwanên endamên PYDˊê ve hatibû destpêkirin. Destpêka kampanyayê broşûrên têkildarî hişyarkirina şêniyan der barê girîngiya parastina jîngehê û sînordarkirina qirêjiyê de hatin belavkirin. Bi riya vê kampaniyê wê îro 50 dar li taxa Hilko ya bajarê Qamişlo werin çandin. Weke tê zanîn me îro dest bi kampaniya çandiya daran li bajarê Qamişlo kir bi mebesta avhewaya herêmê xweş bikin û cihên çol bidaran biçînin. Herwiha mebesta me ya bingehîn xemilandin, û paqjiya ekolojiya welat e. Paqjî xemila cîhanê ye, ji ber vê yekê em weke jinên ciwan û çalakên civakê me dest bi xemilandin û paqjiya ekolojiya bajarê kir.
Bi çandina daran wê gund, bajar û welatê me were xemilandin. Herwiha kampaniya me ya çandiya daran û paqjiyê berdewam e, piştî ku dar hatin çand wê bi hemahengiya Şaredariya Gal a bajarê Qamişlo werin avdan û şopandin. Da ku darên hatine çandin kesek bibînin û hişk ne bin.”
‘Pêwîst e her kes paqijiya kolan, tax, gund û bajarê xwe bike’
Dilîvan axaftina xwe wiha berdewam kir: “Pêwîst e her kes paqijiya kolan, tax, gund û bajarê xwe bike. Ji ber ku civak bigihêje asteke pêşketî û bi çanda paqijyê re jiyan bike. Herwiha karê herî girîng û pîroz karê paqijiyê ye. Paqijî gelek girîng e, rê li pêşiya belavbûna nexweşiyan digre û dihêle ku şaristaniya bajêr were parastin.”
Endama jinên Ciwan a PYD’ê Dilîvan Reşîd axaftina xwe wiha bi dawî kir: “Tu astangî derneketin li pêşiya karê me û banga me ji gelê me heye ku bi me re bibin alîkar û qirêjê neavêjin kolanan.”
