Solîn Mihemed/ Qamişlo
Bi boneya 27’ mijdarê, herwiha bîranînên 350 şehîdan, Meclisa Malbatên Şehîdan li Pakrewangeha Şehîd Delîl Sarûxan ya li bajarê Qamişlo hola merasîm û bibîranîna şehîdan vekir.
Bi boneya 27’ mijdarê, herwiha bîranînên 350 şehîdan, Meclisa Malbatên Şehîdan li Pakrewangeha Şehîd Delîl Sarûxan ya li bajarê Qamişlo hola merasîm û bibîranîna şehîdan vekir. Di vekirina holê de hemû endamên saziyên Rêveberiya Xweser, rêveberî û endamên Meclisa Malbatên Şehîdan hazir bûn.
Di despêkê de bi deqeyek rêzgirtin li ser giyanê şehîdan hat rawestandin, piştire ji aliyê Meclisa Meclisa Malbatên Şehîdan bixêrhatina hemû mêvanan hat kirin.
Piştre li ser navê Meclisa Malbatên Şehîdan Fatima Casim hemû şehîdên ku di oxira azadiyê de şehîd bûne bi bîr xist û wiha got: “Ez hemû şehîdên azadiyê bi bîr tînin, ew şehîdên qedir bilin in ku canê xwe feda kirin ji bo azadiya gel. Em ji hemû cîhanê re didin tekezkirin ku em hemû pêkhate bi yek ruhî ne. Herwiha me bi fikri û felsefeya Rêber Apo bawer kiriy û projeya neteweya demokratîk, yekîtiya gelan û jiyana hevbeş bingeh girtiye. Em hemû minetdarê vê felsefeyê ne. Em ê hemû bi yek destî bin û li hemberî hemû kesên ku dixwaz in vê hevgirtina me xerab bikin, têbikoşin. Em ê aramiya vê herêmê biparêz in, aramiya ku bi berdêlên giran ên van şehîdan pêk hatiye. Di heman demê de xeta şehîdan bişopînin heta ku em serkeftin û civakeke demoratîk misoger bikin.
Di heman çarçoveyê de li ser navê Meclisa Rêxistinî a Meclisa Malbatên Şehîdan Rûbar Fermo axivî û wiha got: “Despêkê 47’emîn salvegera tevgera azadiyê û di şexsê şehîdên tevgera azadiyê de û her 350 şehîdên ku niha di bîra me de ne ji bo bîranîna wan em bejina xwe li ber wan ditewînin. Ji bo keda şehîdan û xwedîderketina şehîdan ev hol hat damezirandin. Îro ev hol bi boneya 27’ê mijdarê û bîranîna 350 şehîdên me yên azadiyê re hat vekirin, herwiha ev hol wê ji bo bîranînên şehîdan be. Em avakirin û vekirina vê holê li hemû malbatên şehîdn pîroz dikin.”
Di dawiyê de siviziyonek li ser jiyana şehîdan hat pêşkêşkirin.
