Dîlan Mulhim\Qamişlo
Di derbarê rewşa mirovî û jiyanî li Siwêdayê, bandorên dorpêça berdewam û sedemên astengkirina hewldanên mirovî û xizmetguzariyê, Heyva Sor a Kurd li pêş navnda xwe ya bajarê Qamişlo konferanseke çapmeniyê lidar xist.
Di debarê rewşa mirovî û jiyanî li Siwêdayê, bandorên dorpêça berdewam û sedemên astengkirina hewldanên mirovî û xizmetguzariyê, Heyva Sor a Kurd li pêş navnda xwe ya bajarê Qamişlo konferanseke çapmeniyê li darxist. Di konferans de hevserokên Heyva Sor a Kurd û endamên ragihandina Azad beşdar bûn.
Di destpêkê de endama ragihandina Heyva Sor a Kurd Mîdiya Xanim bixêrhatina beşdaran kir û wiha axivî: “Ji ber berpisiyariyek mirovahî em wek Heyva Sor a Kurd xwe perçeyek jê dibînin, bi baweriya ku jiyana her mirovekî ne hejmarek yan raporeke ew erkeke ku pêwest e em rêxistinên mirovî lê xwedî derkevin. Herwiha piştî zêdetir ji 121 rojan ji dorpêçkirina Siwêdayê, îro em konferansa xwe ya çapemeniyê di derbarê rewşa jiyanî ya gelê me li Swêdayê de, li dar dixin.”
Piştre dîmenên gelên Siwêdayê li ser rewşa jiyanî bi sivizyonekê hatin pêşkêşkirin.
Piştre hevserokê Heyva Sor a Kurd Dilgeş Îsa li ser rewşa Siwêdayê ya mirovî û jiyanî wiha got: “Gelên me yên li Siwêdayê gelek ziyan dîtin, ji ber vê yekê me weke Heyva Sor a Kurd erk girt li ser milê xwe ku destekê bidin gelê me yên li wan herêman. Me bi hemû derfetên xwe destek da gelên me yên li Siwêdayê.”
Di heman çarçoveyê de hevseroka Heyva Sor a Kurd Hediya Ebdela li ser alîkariyên mirovî ku Heyva Sor a Kurd ji Siwêdayê re şandin e wiha axivî: “Alîkariyên mirovî li ser gelek malbatên Siwêdayê hatin belavkirin, heta niha alîkariyên me weke Heyva Sor a Kurd ji bo gelên me yên Siwêdayê berdewam e. Heta niha me3 hezar pakêtên xwarinê li malbatên Siwêdayê belav kirine. Di dema ku kerwanên me diçin Siwêdayê di rê de astengî dîtin, em bi hêvî ne ku ev astengî dernekevin.”
Di dawiyê de mafê axaftinê ji Rojamevan re hatin dayîn.
