Hêvî Keleş/ Qamişlo
Zanîngeha Rojava, bi dirûşmeya “Zanîn, Hunerê Azadiyê ye” de, şahiyek derçûnê ji bo 211 xwendekarên xwe yên ku derçûn li dar xist.
Zanîngeha Rojava li parka Azadî a bajarê Qamişlo şahiyek derçûnê ji bo xwendekarên xwe yên derçûne ku hejmara wan 211 bûn li dar xist. Tê de Nûnerên saziyên Rêveberiya Xweser, endamên fakulteyê, malbatên xwendekaran û hejmarek kesayetên akademîk û civakî beşdar bûn.
Di destpêka şahiya derçûnê de deqeyek rêzgirtin li ser giyanê şehîdan hate rawestandin, herwiha sirûda netewî ji aliyê xwendekarên derçûyî hate xwendin.
Dûv re pêşkêşiyek li ser zanîngeh û pêşkeftina wê di salên borî de hate kirin. Û piştre li ser navê zanîngeha Rojava ve Zêna Elî xwendekarên derçûn bûn pîroz kir û tekez kir ku mezûnbûna pola pêncemîn destkeftiyek akademîk a girîng e ku berxwedana pêvajoya perwerdehiyê nîşan dide tevî şert û mercên dijwar ên ku herêm pê re rû bi rû ye.
Piştre li ser navê meclisa zanîngeha Rojava Xelîl, li ser navê Meclisa Cibîcîkar a Cizîrê Hesen Şero, li ser navê Meclisa Cibîcîkar a Bakur û Rojhilatê Sûriyê Hisên Osman û Berdevka Meclisa Xwendekaran Arîn Mihemed axaftin hatin kirin û wan xwendekarin derçûyî pîroz kirin.
Di heman demê de xwendekarên derçûyî hatin pîrozkirin û xelatkirin. Hejmara xwendekaran jî 211 bûn, ew ji van beşan bûn:
Fakulteya ziman û wêjeya beşa ziman û wêjeya kurdî
Fakulteya zanistên civakî beşa jineolojî
Fakulteya ziman û wêje beşa wergerê
Fakulteya ziamn û wêje başa zimanê erebî
Fakulteya ziman û wêje beşa hunerên bedew
Fakulteya zanistên civakî beşa dîrok
Fakulteya zanustên civakî beşa erdnîgarî
Fakulteyên zanistên xwezayî û teknolojiyê
Beşa mekatronîk
Beşa bîrkarî
Beşa fîzîk
Beşa kompîterê
Beşa kîmya
Beşa biyolojî
Fakulteya Perwerdeyê
Beşa Mamostetiya Refê
Beşa Teknîk û Rêbazê Perwerdeyê
Fakulteya Bijîşkî
Fakulteya Mafnasî
Fakulteya Petrolê, beşa petrol û petrolkîmiya
Fakulteya Zanistên Olî
Fakulteya Çandiniyê
Fakulteya Endîziyariya avhewasaziya Ekolojî
Peymangeha Bilind A ragihandinê
Peymangeha Rêveberî û darayî.
Di dawiya şahiya derçûnê de koma Cûdî, Hunermend Danîş û Hunermend Enes Yûsif stran pêşkêş kirin.
