Esma Mistefa/ Qamişlo
Bi dirûşmeya “Bi destên biçûk hêviyê diçînin.. Bibin beşek ji vê hêviyê” Heyva Sor a Kurdî li bajarê Qamişlo çalakiya piştgiriya zarokên nexweşiyên pençeşêrê û telasimyayê organîze kirin.
Çalakiya piştgiriyê ji aliyê Heyva Sor a Kurdî ve di bin dirûşmeya “Bi destên biçûk hêviyê diçînin.. Bibin beşek ji vê hêviyê” li Parka Azadî hat organîzekirin. Armanc ji vê çalakiyê destekdayîn û piştgiriya taybet ji bo zarokên ku rû bi rûyê nexweşiya penceşêrê û telasimyayê li Bakur û Rojhilatê Sûriyê dimîn in re ye. Her wiha komkirina alîkariyê da ku ji dermanên nexweşan re were dayîn. Di çalakiyê de gelek rêxistin, sazî û malbat beşdar bûn ku tê de hin karên destan, xwarin, cil û bergên zarokan pêşkêş kirin da ku alîkariya ji wan were girtin ji bo nexweşxaneya Heyva Sor a Kurdî were dayîn. Bi sedan zarok beşdar bûn û ji bo wan çalakiyên kêfxweşiyê û aktîvîstên lîstikî hatin pêşkêşkirin.
Axaftina destpêkê ji aliyê hevseroka Heyva Sor a Kurdî Hediye Ebdullah ve hat kirin. Her wiha bi zimanê Erebî ji aliyê berpirsê Nexweşxaneya nexweşiyên pençeşêr û telasimyayê Ehmed Hecî ve hat kirin.
Di axaftinê de hediye bal kişand ser nexweşxaneyan heyva sor her wiha nexweşî û piştgiriya wan jê re û wiha hate gotin: “Beriya çend salan nexweşxaneya ji nexweşiya penceşêrê re nîn bû, ev bû du salin hatiya vekirin. Yekemîn nexweşxane di aliyê dermanan û kadroyan de ye. Bi kadro û doktorên pispor hatiye amadekirin. Ev yek ji bo hemû zarokên nexweş yên pençeşêrê û telasimyayê hat avakirin. Bi taybet di aliyê piskeolojîk de me atmosfereke pir xweş û guncaw avakiriye. Dema ku zarok bên ji bo dermankirinê, hîs bikin nehatine ji ber nexweş in lê ji bo ji xwe re bilîzin û wisa em wan bidin jibîrkirin.
Her wiha ji bo nexweşên ciwan jî em dibin alîkar. Ji ciwanên nexweş re di aliyê zanistî û xwendinê de dibin alîkar. Her kes dikare ji aliyê xwe de bibe bersiv. Ew alîkariya biçûk dikare bibe alîkariya herî mezin. Di dawiyê de em vê çalakiyê li zarok û hemû kesan pîroz dikin.”
Her wiha Doktor Amjed Elî û doktora Meryem Ehmed Li ser nexweşiya telasimyayê axivîn.
Di rêze bernameyê de kesên ku bi nexweşiya telasimyayê û di pêşengehê de beşdar bûne her wiha doktorên ku bûne alîkar û di nexweşxaneyê de kar dikin hatin xelatkirin. Di dawiyê de sinevizyon hat pêşkêşkirin û çalakî heyanî saet 9 ku ji bo alîkariya kesên hazir yên ku dixwazin alîkariya madî pêşkêş bikin berdewam kir.
