Hilwa Ibrahîm
Dema tu vî navî li pêşiya her Kurdekî li Rojavayê Kurdistanê, bêje wê ji tere bêje ax yadê an ax yabo, ji ber ku ev nav birîna Kurdan a nehatiye girtin, nû dike
Êşa ku dijminê bav û kalê Kurdan bi wan dane jiyankirin, bi salan e Kurd di bin zilm û zorê de jiyan dikin, ev tenê têra dijmin nekir ji ber wê berê xwe dan zarokê Kurdan.
Di sala 1960’an de, di dema serokê Sûriyê Jemal Ebd Elnasir û Hafiz Elesed de, li bajarê Amûdê, ji bo zarokê dibistana filimek hat pêşinyarkirin, di bin navê piştgirî ji bo şoreşa Cezair de û pereyên wan alîkarî ji Cezairê re bişînin.
Gef li zarokên dibistanan hatin kirin û gotin yê neyên sînemeyê wê ji dibistanê werin dûrxistin
Navê filim‘Sûcê Nîvê Şevê’filim tu elqa xwe bi şoreşa Cezair re tune bû, lê neçar man biçin.
Di roja 13’ Mijdara 1960’an hemû zarkên Amûdê berê xwe dan sînemê, lê nizanî bûn îro şewata dilê dayik û bavê wan e, sê girûp hatin amedekirin, du girûp li filim tmeşe kirin û çûn malê xwe, lê ya sêymîn kêfxweşiya wan negihişt serî.
Temenê zarokên girûpa sêyemîn di binya panzdan de bûn,zarok yek bi yek derbasî sînemeyê bûn, filim dest pê kir di nîv seta depêkê de agir hêdî hêdî vêket, dîwarê sînemê nû boyax kiribûn û dîwarê wê hemû beşt bûn.
Zarokan xwestin xwe xilas bikin, lê deriyê sînemê hemû klît kiribûn, hinek ji wan zarokan xwestin xwe di pencerêre bavêjin, lê di bin pencerê bîrê avê kolandibûn, dema xwe avêtin di avê de jiyana xwe ji dest dan.
Di nava bajar Amûdê de qehwexnyek hebû, jê re tê gotin qehwexana Kewê, zilamekî Kurd bi navê Mihemed Said Axa Deqorî di qehweyê de bû, dema qîrîna zarokan dibihîse bi wêrekî lez û bez çû ji bo zaroka xilas bike,hinek xelkê bajar jê re gotin kurê te Fehed xwe xilas kiriye û niha li malê ye got hemû zarokê Amûdê wek Fehed in.
Dema digihêje sînemê polîsekî recîma Bais li ber derî nehişt derbas bibe, Mihemed axa sîlek li yê polîs xist ji xwrtbûna wê çixara polîs ji destê wî firiya, 12 zarokan xilas dike, hin xelkê li wêderê jê re dibêjin kurê birayê xwe ji nav agir derxe , ji wan re dibêje serî û binê Amûdê Kurd û Kurmanc hene, hemû ji kezeba dê û bavê min in.
Dema dixwaze biçe hîn zaroka ji nav agirê bêbext xilas bike, beştê sînemeyê li ser tê xwarê û dighêje asta şehadetê.
Tu mal di Amûdê de nema ku zarokê wan di sînemyê de şehîd neketin, hemû bûn xwedî şehîd.
Bajarê Amûdê hemû perdeyk reş li ser xwe danî, di her kolanekê de û li ber her malekê de konekî şînê hebû.
Di sînemeyê de 280 zarokên Kurd şehîd ketin, lorîna dayikan li her derê di hat bihîstin.
