Solîn Mihemed/Qamişlo
Meclisa Malbatên Şehîdan a Kantona Cizîrê bi dûrişmeya “Bi Rihê Şehîdan û Felsefeya Rêber Apo Em ê Civaka Demokratîk a Aştî û Komînal Ava Bikin” civîna xwe ya salane li hola Zana ya bajarê Qamişlo lidar xist.
Îro, li hola Zana ya bajarê Qamişlo ji aliyê Meclisa Malbatên Şehîdan a Kantona Cizîrê ve bi dûrişmeya “Bi Rihê Şehîdan û Felsefeya Rêber Apo Em ê Civaka Demokratîk ya Aştî û Komînal Ava Bikin” civîna xwe ya salane li dar xist. Di civînê de Sazî, Meclisa Malbatên Şehîdan û Rêveberiya Partiya Yekîtiya Demokratîk PYD’ê, Rêveberiya Xweser, Hêzên QSD’ê û bi dehan ji malbatên hazir bûn.
Di destpêka civînê de deqeyek rêzgirtin li ser giyanê şehîdan rawestiyan. Piştire perspektîvên Rêber Apo ji aliyê endama Meclisa Malbatên Şehîdan ya bajarê Qamişlo Rîhan Mele ve hat xwend.
Di derbarê rewşa siyasî de endamê Desteya Hevserokatiya Partiya Yekîtiya Demokratîk PYD’ê Aldar Xelîl axivî, herwiha rapora Meclisa Malbatên Şehîdan ya salekê bi zimanê Kurdî û Erebî hat xwend û di heman demê de li ser rewşa rêxistinî nîqaş hatin kirin û di dawiyê de encamnamya civînê hat dayîn.
‘Divê em komînan esas bigrin’
Têkildarî naveroka civînê Rêveberiya Mecilsa Malbatên Şehîdan a Kantona Cizîrê Armanc Mihemed ji rojnameya me re axivî û wiha got: ” Civînên me yên girseyî her sal tên lidarxistin. di van civînan de kar û xebatê me, her wiha kêmasî, nebesî, nîqaş, rexne û piransaziyên demên pêş tên nîqaşkirin. Armanca vê civîna me ya îsal jî nîqaşkirina kar û xebatên salê, her wiha pişniyar ji aliyê beşdarvanan ve hatin kirin û li ser wê esasê ev pişniyar bûn pilansazî da ku di xebatê me yên demên pêş de cih bigre. Kar û xebatên Meclisa Malbatên Şehîdan di hundirê komînan de bêtir xwe esas digire, li ser wî esasî li hin bajaran komînên me hatin birêxistinkirin. Rewşa komînan heya niha ew rûniştina ku dibêjin li gor pespektîvên serokatî tên, hîna jî hinekî lawazî di komînan de heye. Em bi hêvîne hemû kesên di hundirên komînê de li ser esasê komînê kar û xebatên xwe bidin meşandin.”
