Solîn Mihemed/ Qamişlo
Ji bo pêşkêşkirina xizmetên tenduristiyê, Desteya Tenduristiyê ya Kantona Cizîrê bi şahiyek Nexweşxaneya Gel ya bajarê Qamişlo vekir.
Îro, li bajarê Qamişlo ji aliyê Desteya Tenduristiyê ya Kantona Cizîrê ve Nexweşxaneya Gel bi şahiyekê hat vekirin. Di şahiyê de nûnerên meclisa bajêr, TEV-Çand, TEV-DEM û Rêveberiya Xweser hazir bûn.
Di destpêka şahiyê de deqeyek rêzgirtin li ser giyanê şehîdan hat rawestandin.
Piştire li ser navên Rêveberiya Xweser ya Kantona Cizîrê, Desteya Malbatên Şehîdan û rêveberê nexweşxaneya Gel axaftin hatin kirin.
Di axaftinan de wiha hate gotin: “Îro ji bo Kantona Cizîrê bi tayîbet bajarê Qamişlo rojeke dîrokî ye, rojeke ku Rêveberiya Xweser bi esrara û têkoşînê kar û xebatê ji bo civaka Cizîrê û seranserî Bakur û Rojhilatêî Sûriyê dike. Ev nexweşxane wê herdem di nava kar, xebat û têkoşînê de be da ku xizmetê ji gel re pêşkêş bike. Ev gelê ku herdem li ser piyan e û têkoşînê dike, em ciqas xizmetê jê re bikin û kêm be. Em bi navê Rêveberiya Xweser çi kesê ku bû alîkar ji bo vekirina nexweşxaneyê, sipas dikin. Em bi hêvî ne ku ev nexweşxane bibe xizmetkara gelê me.”
Di dawiya şahiyê de ji aliyê beşdaran ve govend hat gerandin.
