Ayşa Silêman/ Dêrik
Desteya perwerdeyê ya bajarê Dêrikê li ser navê Şehîd Hisên pêşbirka bazdanê ji bo xwendekarên dibistanan li darxist.
Desteya perwerdeyê ya bajarê Dêrikê li ser navê Şehîd Hisên pêşbirka bazdanê ji bo xwendekarên dibistanan li darxist. Di pêşbirkê de malbata Şehêd Hisên û hemû rêveberên dibistanan, endam û xwendekar hazir bûn.
Pêşbirk ji ofîsa Ronahî dest pê kir heya markêta Dêrik bi dawî bû.
Bi giştî 38 xwendekar tevlî vê pêşbirkê bûn, her wiha xwedekar bûn 4 tîm du tîmên jinan û du tîmên xortan.
Pêşbirk bi tîmên jinan dest pê kir, tîma yekem xwendekarên jin ên dibistana navîn bûn û di nav wan de sê kes hatin xelat kirin, ya yekem gihiştî bi navê Naya Hesen ji dibistana Şehîd Ferhad bû, ya duyem bi navê Elîn Hesen ji dibistana Selîm Hemê û ya sêyem bi navê Dunya Ebdê ji dibistana Şehîd Ibrahîm bû. Di heman demê de tîma duyem xwendekarên jin ên dibistana amadehî bû û ji nav wan sê kes hatin xelat kirin, ya yekem gihişt bi navê Mariya Hisên ji dibistana Yûsiv Elezeme bû, ya duyem Hêvîn Xelo ji dibistana Yûsif Elezeme bû û ya sêyem bi navê Teyîb Yûsiv ji dibistana Şehid Elseyîd.
Piştî bidawî bûna tîmên jinan tîmên xortan dest pê kir, tîma yekem xwendekarên xort ên dibistana navîn bûn ku yê yekem derket bi navê Ismaîl Xelîl ji dibistanan Hacî Menûh bû, yê dûyem bi navê Rodî Omer ji dibistana Şehîd Ibrahîm bû û yê sêyem gihiştî bi navê Kendal Omer ji dibistana Şehîd Rêber bû. Her wiha tîma duyem ya xwendekarên xort ên dibistana amadehî bû ku yê yekem gihişt bi navê Elend Hesen ji dibistana Yûsiv Elezeme bû, yê duyem Mesrûr Omer ji dibistana Yûsiv Elezeme bû û yê sêyem binavê Idrîs Omer ji dibistana Şehîd Omer Serxebûn bû.
Piştî ku pêşbirk bi dawî bû û xwendekar hatin xelat kirin, hevjîna Şehîd Hisên axivî û wiha got: “Em îro bi saya fikir û felsefeya Rêber Apo li Bakur û Rojhilatê Sûriyê bi awayek azad dijîn. Em serbilindin bi xwendekarên xwe ku îro roj keda şehîdan digrin ser milê xwe. Em ê hertim deyndarê şehîdan bin û li ser xeta wan bin heya ku azadiya fîzîkî ya Rêber Apo em bidest bixin. Ev xwendekarên ku li vir hazir hemû zarokên vê Şoreşê ne û wê tucarî dev ji doza xwe bernedin ji ber ku ew hêviya siberojê ne.”
