Solîn Mihemed/ Qamişlo
Meclisa Bajarê Qamişlo bi boneya Roja Kobanê ya Cîhanî li Stadyoma Şehîdên 12’ê Adarê ya bajarê Qamişlo daxuyaniyek da û got: “Kobanê bû navnîşana berxwedan û qehremaniyê”
Îro, li Stadyoma Şehîdên 12’ ê Adarê, Meclisa bajarê Qamişlo bi boneya Roja Kobanê ya Cîhanî daxuyaniyek da. Di daxuyaniyê de partî, tevger, sazî, Meclisa Malbatên Şehîdan û welatiyên bajêr amadebûn. Dxauyanî bi zimanên Erebî Kurdî hat xwendin.
Di destpêka daxuyaniyê de wiha hat gotin: “Wekî îro yekê Mijdarê ye Roja Pişgirtiya Kobanê ye. Di Kobanê de berxwedaniyeke dîrokî li hemberî hêzeke herî tundirew ku bibû mîna kabûsekî li ser hemû Cîhanê, bi taybet li ser gelê Sûriyê, hat kirin. Tu hêzên ku li Sûriyê şer dikirin nikarîbûn xwe li hemberî wan bigirin, lê li Kobanê hemû pilan vala derketin, ev jî bi saya gelê Kobanê û berxwedaniyên Yekîneyên Parastina Gel YPG’ê Yekîneyên Parastina Jin YPJ’ê bû, di Kobanê de destanên dîrokî, bi berdelên herî giranbuha bi tîpên zêrîn hatin nîvisandin. Berxwedana Kobanê bû çira ji bo hemû gelên azadîxwaz û aştîxwaz. Hemû cîhan bû şahidê vê berxwedana ku 134 rojan dewam kir. Di encama wê berxwedaniyê de 1’ê Mijdara 2014’an bû Roja Kobanê ya Cîhanî.”
Daxuyanî wiha hat bidawîkirin: “Em jî wekî gelê Qamişlo vê rojê bibîr tînin û bejna xwe li hemberî şehîdan ditewînin, bi taybet li beramberî şehîdên Kobanê yê ku bûn navnîşana berxwedan û qehrmaniyê. Soza şopandina riya şehîdan em dûbare dikin û heya ku avakirina Sûriyeke demokrat nenavendî wê têkoşîna me dewam bike.”
